استانا اۆتوبۋستارىندا جول اقىسىن تولەۋدىڭ جاڭا ءتاسىلى ەنگىزىلەدى

None
استانا. قازاقپارات - ەلوردانىڭ قوعامدىق كولىكتەرىندە جول اقىسىن تولەۋدىڭ جاڭا تاسىلدەرىن ەنگىزۋ كەزىندە بارلىق باعىتتاعى اۆتوبۋستاردا ۆاليداتورلار اۋىستىرىلادى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.

ولاردىڭ ورنالاسۋى وزگەرمەيدى - بارلىق ەسىكتەردىڭ جانىندا، قازىرگى قولدانىستاعىداي.

ەندى QR- كود جانە «Transcard» كولىك كارتاسى ارقىلى تولەم تۇرلەرىنە قوسىمشا NFC تەحنولوگياسى جانە Bluetooth ارناسى، ەكىنشى دەڭگەيدەگى بانكتەردىڭ كارتاسىمەن تولەۋ مۇمكىندىگى بولادى.

تولەمدەردىڭ جاڭا ارنالارى بىرتە- بىرتە ەنگىزىلەدى.

NFC ارقىلى تولەم جاساۋ ءۇشىن تەلەفوندى نەمەسە سمارت ساعاتتى تىكەلەي ۆاليداتورعا تيگىزۋ كەرەك بولادى. ۆاليداتوردىڭ قاۋىپسىزدىگى دۇكەندەردەگى POS- تەرمينالداردان ەش ايىرماشىلىعى جوق.

Bluetooth ارناسىمەن تولەۋ «Avtobys» ءموبيلدى قوسىمشاسى ارقىلى ىسكە اسىرىلادى. بۇل ۆيرتۋالدى تولەم ءادىسى موبيلدى قوسىمشاداعى جەكە شوتتىڭ بالانسىنان اقى الۋ ارقىلى جۇرگىزىلەدى. «Avtobys» موبيلدى قوسىمشاسىن App Store, Google Play, AppGallery جۇكتەپ الۋعا بولادى.

بانك كارتاسىمەن تولەم قازاقستاننىڭ بارلىق ەكىنشى دەڭگەيدەگى بانكتەرىنىڭ بانك كارتالارىمەن جاسالادى.

سوڭعى جاڭالىقتار