الماتىدا باراحولكا بازارىنان تاعى ءورت شىقتى - ۆيدەو

الماتى. قازاقپارات - الماتىدا «باراحولكا» بازارىندا تاعى كونتەينەرلەر ورتەندى، دەپ حابارلايدى قازاقپارات ءتىلشىسى.وقيعانىڭ ۆيدەوسى جەلىگە شىقتى.

الماتى قالالىق ت ج د مالىمەتى بويىنشا 26-تامىز ساعات 08:37-دە ءورت ءسوندىرىلدى. ءورت سوندىرۋشىلەر جەتىسۋ اۋدانى، «المالى» بازارىنداعى جانىپ جاتقان كونتەينەرلەردەگى ءورتتى ءسوندىردى. ورتەنگەن اۋماق 80 شارشى مەتر بولدى.

«قابىلدانعان شارالاردىڭ ارقاسىندا ءورتتىڭ جاقىن ماڭداعى تاۋارلىق- ماتەريالدىق قۇندىلىقتارى بار ساۋدا قاتارلارىنا تارالۋىنا جول بەرىلگەن جوق. قۇرباندار مەن زارداپ شەككەندەر بولعان جوق» ، - دەپ حابارلادى قالالىق تجد باسپا ءسوز قىزمەتى.

پوليتسيا قىزمەتكەرلەرى ءورت بولعان جەردى جەدەل قورشاۋعا الدى.

ەسكە سالايىق، بۇعان دەيىن «بايسات» بازارىندا كونتەينەرلەر ورتەنگەن بولاتىن.

سونداي-اق، 12-تامىزدا «باراحولكا» ايماعىنان ءورت شىققان ەدى. موسكۆين كوشەسىندەگى قويمالار (كەڭسە، ۇيالى تەلەفون كەرەك-جاراقتارى) ورتەندى. ءورتتى 120 ادام ءسوندىردى.