باسەكەلەستىكتى قورعاۋ اگەنتتىگى «شۇباركول كومىر» كاسىپورنىنا ەسكەرتۋ جاسادى
باسەكەلەستىكتى قورعاۋ جانە دامىتۋ اگەنتتىگى بۇعان دەيىن «شۇباركول كومىر» ا ق «Modern Trading Solutions» تاۋار بيرجاسى» ا ق- نىڭ تاۋار بيرجاسىن وزدەرى وندىرگەن كوممۋنالدىق- تۇرمىستىق كومىرمەن ساۋدا-ساتتىقتى ۇيىمداستىرۋشى رەتىندە ايقىنداۋ جونىندە شەشىم قابىلداعانىن حابارلاعان بولاتىن.
الايدا «Modern Trading Solutions» تاۋار بيرجاسى» ا ق- نىڭ تاۋار بيرجاسىنىڭ الەۋەتتى مۇشەلەرى ءۇشىن شامامەن 95 ميلليون تەڭگە مولشەرىندە ءبىرجولعى كىرۋ جارناسىن بەلگىلەۋىنە بايلانىستى اگەنتتىك «Modern Trading Solutions» تاۋار بيرجاسى» ا ق- عا ق ر مونوپولياعا قارسى زاڭناماسىن بۇزۋعا جول بەرمەۋ تۋرالى الدىن الا ەسكەرتۋ جىبەردى.
اگەنتتىكتىڭ الدىن الا ەسكەرتۋىن قاراعاننان كەيىن ءبىرجولعى جارنا مولشەرى 20 ميلليون تەڭگەگە دەيىن تومەندەتىلدى، الايدا كومىر ساۋداسى سەكسياسى بويىنشا باسقا تاۋار بيرجالارىندا كىرۋ جارناسىنىڭ مولشەرى 150 مىڭنان 3,5 ميلليون تەڭگەگە دەيىن وزگەرەدى.
بۇل رەتتە «Modern Trading Solutions» تاۋار بيرجاسى» ا ق- نىڭ بۇرىن قولدانىستا بولعان (2023-جىلعى 23- مامىرعا دەيىن) تاريفتەرىنە سايكەس رەزيدەنتتەر/رەزيدەنت ەمەستەر ءۇشىن ءبىرجولعى جارنا 500 مىڭ/1 ميلليون تەڭگەنى قۇرادى.
تاۋار بيرجاسى ارقىلى وتكىزىلەتىن كوممۋنالدىق-تۇرمىستىق كومىردى ساتىپ الۋشىلار، كەيىننەن كومىردى جەكە پايدالانۋ ءۇشىن حالىققا ساتاتىن وڭىرلىك كومىر وپەراتورلارى بولىپ تابىلاتىنىن اتاپ ءوتۋ قاجەت.
بۇگىنگى كۇنى «شۇباركول كومىر» ا ق «Modern Trading Solutions» تاۋار بيرجاسى» ا ق- مەن بىرلەسىپ، 2023-جىلعى قازاندا بيرجالىق تاۋاردى جەتكىزۋمەن كوممۋنالدىق-تۇرمىستىق كومىرمەن بيرجالىق ساۋدا-ساتتىقتى وتكىزۋ كەستەسى 28- تامىز – 1- قىركۇيەك ارالىعىندا بەكىتتى.
وسىعان بايلانىستى اگەنتتىك «شۇباركول كومىر» ا ق- عا كاسىپكەرلىك كودەكسىنىڭ تالاپتارى شەڭبەرىندە قازاقستاننىڭ باسەكەلەستىكتى قورعاۋ زاڭناماسىن بۇزۋعا الىپ كەلۋى مۇمكىن ارەكەتتى جاساۋعا جول بەرمەۋ جونىندە الدىن الا ەسكەرتۋ جىبەردى.
