قاراعاندى قالاسىندا «ادامزاتتىڭ ابايى» اتتى مەرەكەلىك شارالار ءوتىپ جاتىر
العاشقى باسقوسۋ قاراعاندى قالاسى اكىمدىگىنىڭ قولداۋىمەن اباي ەسكەرتكىشىنىڭ جانىندا ءوتتى. وندا قاتىسۋشىلار اباي ولەڭدەرى مەن قاراسوزدەرىن وقىپ، اندەرىن شىرقادى.
الدىمەن ءسوز العان ە. بوكەتوۆ اتىنداعى قاراعاندى ۋنيۆەرسيتەتىنىڭ پروفەسورى بەيسەنبەكوۆا نۇرساحان اقىننىڭ ءومىرى، ۇلتقا، ەلگە قىزمەتىنە توقتالىپ، ابايعا قۇرمەت كورسەتۋ - بارشامىزدىڭ مىندەتىمىز ەكەنىن اتاپ ءوتتى.
ءىس-شارا بارىسىندا ەرقانات كەڭەسبەك ۇلى، ەلميرا سايلاۋ قىزى سىندى جاس اقىندار اباي ولەڭدەرىن وقىدى.
سونىمەن قاتار، قازاقستان حالقى اسسامبلەياسى انالار كەڭەسىنىڭ مۇشەلەرى، ەتنوس وكىلدەرىنەن قۇرالعان DALA RUHУ فولك- ءانسامبلى مەن «اقنيەت ارداگەرلەر» ءانسامبلىنىڭ قوركەمدىك جەتەكشىسى تولەۋحانوۆا كۇلىش پەن ناتاليا ارىستانوۆا، گوريزانوۆ ۆلاديسلاۆ، ميلانا كيم جانە ت. ب. اقىننىڭ «ولسەم ورنىم قارا جەر سىز بولماي ما» شىعارماسىن ناشىنە كەلتىرىپ ورىندادى.
سونىمەن بىرگە، قالانىڭ ءبىلىم بەرۋ ورتالىقتارىنىڭ وقۋشىلارى ءالفارابي دوسجان ۇلى، ورالحان ەرحان، كاۆەرين ۆيكتور، قالقوجا ايالا، توقاشيەۆ ابىلايلار ونەرلەرىن پاش ەتتى.
ۇلى بابا قۇرمەتىنە ارنالعان ءىس- شارا سونىندا ارداگەر ۇستاز وزبەك يساتاي ۇلى، 6505 اسكەري ءبولىمىنىڭ ساربازى ەرمەكباي مۇحتار مەن كوپشىلىك DALA ruh DALA RUHУ فولك- ءانسامبلىنىڭ سۇيەمەلدەۋىمەن ابايدىڭ «كوزىمنىڭ قاراسى» ءانىڭ بىرگە شىرقادى.
ءىس-شاراعا قاتىسۋشىلارعا بەلگىلى كاسىپكەر، مەتسەنات، «Natige» ج ش س ديرەكتورى ەرلان ءاشىمنىڭ دەمۋشىلىگىمەن شىعارىلعان اقىننىڭ «ادامزاتتىڭ ءبارىن ءسۇي» كىتابى تابىستالدى.
وسى كۇنى قازاقستان جازۋشىلار وداعى قاراعاندى وبلىستىق فيليالىنىڭ باستاماسىمەن ورتالىق مادەني جانە دەمالىس ساياباعىندا «ادامزاتتىڭ ابايى» تاقىرىبىندا بەلگىلى اقىنداردىڭ قاتىسۋىمەن پوەزيا كەشى ءوتتى. وندا اقىندار جانات جانقاش ۇلى، سالتانات قايىربەك، سۇلتان داۋلەتحان، ەلميرا سايلاۋ قىزى، بەكتاس جۇمان، ەرىك نارىن جانە بيجان، نۇرداۋلەتتەر ابايعا ارناعان ولەڭدەرىن وقىسا، وڭىرىگە بەلگىلى انشىلەر سايان بودەس، ارايلىم جۇكەنوۆا جانە ت. ب. ابايدىڭ اندەرىن شىرقادى.
18- تامىز كۇنى وسى ساياباقتا «اباي جانە تابيعات» تاقىرىبىندا «جاسىل ەل» جاساقتارى ساربازدارىمەن ەركىن فورماتتاعى كەزدەسۋ كەشى ءوتتى.
اباي شىعارماشىلىعى - وتاندىق مادەنيەتىمىزدىڭ ماقتانىشى، ۇلتتىق كودتىڭ اجىراماس بولىگى. اتالعان ءىس-شاراعا ە. بوكەتوۆ اتىنداعى قاراعاندى ۋنيۆەرسيتەتىنىڭ پروفەسورى بەيسەنبەكوۆا نۇرساحان مەن ءاليحان بوكەيحان اۋدانىنداعى 61№ ورتا مەكتەپتىڭ مۇعالىمى، شاكىرتتەرى رەسپۋبليكالىق اباي وقۋلارىنىڭ بىرنەشە دۇركىن جەڭىمپازى اتانعان ۇلاعاتتى ۇستاز ديدار تورەكەلدى قىزى قاتىستى. نۇرساحان احمەت قىزى اقىننىڭ ءومىرى، شىعارماشىلىعى، ۇلتقا، ەلگە قىزمەتى جانە بۇگىنگى جاستار اراسىندا ناسيحاتتالۋى جونىندە ايتىپ، «دوستىق» ولەڭىن وقىدى.
ديدار تورەكەلدى قىزى شاكىرتكە ءبىلىم بەرۋ ارقىلى ەلىن، جەرىن سۇيەتىن ازاماتتاردى تاربيەلەۋدەگى ەڭبەگىنە توقتالىپ، شاكىرتتەرىنىڭ كوپتەگەن مادەني-رۋحاني شارالاردا جۇلدەگەر بولعانىن جەتكىزدى.
ءىس-شارا سونىندا قالا اكىمىنىڭ ورىنباسارى ءلاززات توكەن قىزى كەلگەن قوناقتارعا قالا اكىمى اتىنان سىي-سىياپاتتارىن جاساپ، العىسىن ءبىلدىردى. بارلىق قاتىسۋشىلار ەستەلىك سۋرەتتەرگە ءتۇستى.
سول سياقتى، وسى كۇندەرى قاراعاندى قالاسىنىڭ Oqyrman كىتاپ دۇكەنىندە بەلگىلى عالىم، الاشتانۋشى تۇرسىن جۇرتبايمەن كەزدەسۋ ءوتتى. وتە قىزىقتى ءارى تانىمدى باسقوسۋدا «اباي جولى» تۋرالى عانا ەمەس، مۇحتار اۋەزوۆتىڭ شىعارماشىلىق جولىنا قاتىستى، الاشوردا تۋرالى تىڭ مالىمەتتەر ايتىلدى. بۇل كەزدەسۋگە ءوڭىردىڭ بەلگىلى تاريحشىلارى جاۋىمبايەۆ ساعىندىق، نۇرساحان احمەتبەك قىزى، ماۋلەن جاكين، ادىلەت جاعىپار، ارداگەرلەر عازيزا عابدوللا قىزى، ايتكۇل تولەۋحان قىزى، كۇلشىم تولەۋحان قىزى، جەلتوقسان وقيعاسىنىڭ ارداگەرلەرى مەن مەكتەپ ۇستازدارى، جاستار، قالا تۇرعىندارى قاتىستى.
اباي قازاقتىڭ ءار بالاسىن ۇلتجاندى ازامات ەتىپ تاربيەلەۋگە شاقىردى. ونىڭ مۇراسى - پاراساتتى پاتريوتيزمنىڭ مەكتەبى، ەلدىكتى قادىرلەۋدىڭ نەگىزى. سوندىقتان ابايدى وقۋدان، اقىن ولەڭىن جاتتاۋدان جالىقپاعان ءجون. سول سەبەپتەن دە قاراعاندى قالاسىنىڭ كىتاپحانالارىندا «اباي - كەمەڭگەر»، «اباي - ويشىل»، «اباي - دانا» تاقىرىپتارىندا كورمەلەر، بەلگىلى تۇلعالارمەن كەزدەسۋلەر، دوڭگەلەك ۇستەلدەر جانە ت. ب. ءىس-شارالار ۇيىمداستىرىلۋدا. ونداعى ماقسات - رۋحاني وي يىرىمدەرىمەن جاستاردى ابايدى وقۋعا، تانىۋعا شاقىرۋ.
