كوللەدج ستۋدەنتتەرىنىڭ باسىم بولىگى قانداي ماماندىقتاردا وقيدى
بۇل تۋرالى ەلوردادا ءوتىپ جاتقان رەسپۋبليكالىق تامىز كەڭەسىندە اتالعان مينيسترلىكتىڭ باسشىسى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.
«تەحنيكالىق جانە كاسىپتىك ءبىلىم بەرۋ ەڭبەك نارىعىندا باسەكەگە قابىلەتتى مامانداردى دايارلاۋدا نەگىزگى فۋنكتسيانى اتقارىپ وتىر. وتكەن وقۋ جىلىندا 517,3 مىڭ جاس 772 كوللەدجدە وقىدى. مەملەكەتتىك تاپسىرىستىڭ 60 پايىزى تەحنيكالىق ماماندىقتارعا (مەتاللۋرگيا، ماشينا جاساۋ، IT، قۇرىلىس، كولىك جانە ت. ب.) قايتا باعدارلانعان. ەكى جىل قاتارىنان جۇمىسقا ورنالاسۋ مىندەتتەمەسىمەن، ماقساتتى تاپسىرىس بويىنشا 10 مىڭ ستۋدەنت وقۋعا قابىلدانىپ كەلەدى. كوللەدجدەر اكادەميالىق دەربەستىك اياسىندا ءبىلىم بەرۋ باعدارلامالارىنىڭ مازمۇنىن، باسەكەگە قابىلەتتى مامانداردى دايارلاۋ ءۇشىن وقىتۋ مەرزىمدەرىن ايقىنداي الدى»، - دەدى ع. بەيسەمبايەۆ.
ونىڭ ايتۋىنشا، كوللەدجدەردىڭ ماتەريالدىق-تەحنيكالىق بازاسىن جاڭارتۋ جۇمىستارى جالعاسىپ كەلەدى. كاسىپورىنداردىڭ كوللەدجدەرگە قامقورلىعى اياسىندا 498 كاسىپورىن كادرلاردى دايارلاۋعا، كوللەدجدەردى باسقارۋعا، زەرتحانا قۇرىلعىلارىمەن جابدىقتاۋعا، ستۋدەنتتەردى وندىرىستىك پراكتيكاعا، ال پەداگوگتاردى تاعىلىمداماعا قابىلداۋعا قاتىسۋ ءۇشىن 410 كوللەدجبەن شارت جانە مەموراندۋم بەكىتتى.
«كوللەدج ستۋدەنتتەرىن ىنتالاندىرۋ ماقساتىندا بيىلعى قىركۇيەكتەن باستاپ ستيپەنديانى كەزەڭ-كەزەڭىمەن ەكى ەسەگە ۇلعايتۋ كوزدەلگەن. «WorldSkills Kazakhstan 2022» VII رەسپۋبليكالىق كاسىبي شەبەرلىك چەمپيوناتىنىڭ قورىتىندىسى بويىنشا كوللەدج ستۋدەنتتەرى 34 التىن، 38 كۇمىس جانە 38 قولا مەدال جەڭىپ الدى. چەمپيوناتقا قاتىسقان تاعى 144 ستۋدەنت ۇزدىك مەدالمەن ماراپاتتالدى»، - دەدى مينيستر.
بۇدان بۇرىن حابارلانعانداي، بۇگىنگى تامىز كەڭەسىندە جاڭا 2023-2024 وقۋ جىلى 25- مامىردا اياقتالاتىنى ءمالىم بولدى.
