الماتىنىڭ ءال-فارابي داڭعىلىنداعى جاڭا اسفالت جول وپىرىلىپ ءتۇستى

None
الماتى. قازاقپارات - الماتىدا مەردىگەر ۇيىمنىڭ كارىز جۇيەسىنە زاڭسىز قوسىلۋى سالدارىنان ءال-فارابي داڭعىلى بويىنداعى جاڭا جول توسەمى ءبۇلىندى، دەپ حابارلايدى قازاقپارات ءتىلشىسى.

الماتى اكىمدىگىنىڭ مالىمەتىنشە، قالادا زاماناۋي ونەر مۇراجايىن سالۋ ءۇشىن ينجەنەرلىك جەلىلەردى تارتۋمەن اينالىساتىن «پارسەك ltd» ج ش س مەردىگەر ۇيىمى قالانىڭ كارىز جۇيەسىنە زاڭسىز قوسىلعان. سالدارىنان ءال-فارابي داڭعىلى بويىنداعى ۋچاسكەدە جول توسەمىنە زاقىم كەلدى. وقيعا 24-تامىزدا كەشكى ۋاقىتتا بولدى.

قالالىق قىزمەتتەر جول قوزعالىسى قاۋىپسىزدىگىن قامتاماسىز ەتۋ ءۇشىن زاقىمدالعان ۋچاسكەگە جەدەل جوندەۋ جۇمىستارىن جۇرگىزدى.

قۇبىردى (ديامەترى 50 س م) توسەۋ جۇمىستارى - مۇراجاي جاقتاعى قۇدىقتان جول بويىنداعى قۇدىققا دەيىن قازۋ ادىسىمەن جۇرگىزىلگەنى انىقتالدى. بۇل رەتتە قايتا جابۋ كەزىندە توپىراق دۇرىس تىعىزدالماعان، سول سەبەپتى جول توسەمىنىڭ (شەتكى جولاق) تۇتاستىعى زاقىمدانعان.

«مەردىگەر جازالانادى جانە ءتيىستى اكىمشىلىك شارالار قابىلداندى. جول توسەمى مەردىگەر ەسەبىنەن قايتا قالپىنا كەلتىرىلەتىن بولادى. جولاقتىڭ ەنىنە اسفالتبەتون جابىنىنىڭ جوعارعى قاباتىن قايتا توسەۋ جۇمىستارىن جولدىڭ ءىشىنارا جابىلۋىمەن 26-تامىزدا ساعات 23:00-دەن 06:00-گە دەيىن جۇرگىزۋ جوسپارلانۋدا»، - دەپ حابارلادى الماتى اكىمدىگى.

ەسكە سالساق، الماتىدا ءال-فارابي داڭعىلىن جوندەۋ مەرزىمىنەن بۇرىن اياقتالعان بولاتىن.

سونداي-اق ءال-فارابي داڭعىلىندا جيەكتاستار اۋىستىرىلعانىن حابارلاعانبىز.


سوڭعى جاڭالىقتار