كورەيا مەن قازاقستاننىڭ مادەني الماسۋ جىلىنا ارنالعان كونسەرت وتەدى
اتالعان كونتسەرت كورەيا مەن قازاقستان ءوزارا مادەني الماسۋ جىلىنا ورايلاستىرىلعان جانە ەكى ەلدىن دوستىعىن نىعايتۋعا ارنالعان شارا بولماق.
بۇل كونسەرتكە كورەيا ۇلتتىق وركەسترىنىڭ ديريجەرى لي سىنگ حۆون، كورەيادان كەلگەن پانسوري ءانشىسى جانە قازاقستان دومبىراشىلارى قاتىسادى. كەش 100 مينۋتقا سوزىلادى دەپ جوسپارلانعان.
ءبىرىنشى بولىمدە جەكە دومبىراشى «مەيرام» تاقىرىبىنا ارنالعان قازاقتىڭ حالىق ءانىن، كورەي وركەسترىنىڭ سۇيەمەلدەۋىمەن قازاقستاننىڭ حالىق كومپوزيتورى ەركەش شاكەيەۆتىڭ، بەرلين سيمفونيالىق وركەسترىنىڭ باس ديريجەرى ليور شامبادالدىڭ جەتەكشىلىگىمەن الەمدىك ساحنادا تانىلعان قازاقتىڭ كلاسسيكالىق «مۇقالي» كۇيىن ورىندايدى. ەكىنشى بولىمدە كورەي پانسوريى جانە ءداستۇرلى وركەسترىنىڭ سۇيەمەلدەۋىمەن «ساچولگا» جانە «سۋگۋن حۆانەنگ» اندەرى شىرقالادى.
ەكى ەل اراسىنداعى مادەني بايلانىستىڭ ماڭىزدىلىعىن پاش ەتۋ ماقساتىندا كونتسەرتتىك كەشتە قازاقتىڭ ءداستۇرلى مۋزىكالىق اسپاپتارى مەن كورەيدىڭ سيمفونيالىق مۋزىكاسىنىڭ ۇيلەسىمى كورسەتىلەدى.
«بۇل قويىلىم كورەيا مەن قازاقستاننىڭ سوڭعى 30 جىل ىشىندە مادەني الماسۋ ارقىلى دوستىق ورناتقانىن پاش ەتەدى جانە ەكى ەلدىڭ مۋزىكانتتارى ورىندايتىن اسەم اۋەندەر مەن ۇيلەسىمدىلىكتەن ءلاززات الاتىن ۋاقىت بولماق. ءبىز كوپ ادام قىزىعۋشىلىق ءبىلدىرىپ، وسى شاراعا قاتىسادى دەپ كۇتەمىز»، - دەپ اتاپ ءوتتى جوبا ۇيىمداستىرۋشىلارىنىڭ ءبىرى چون حيانگ مي.
ءىس- شاراعا كىرۋ تەگىن جانە وعان 8 جاستان اسقاندار قاتىسا الادى. بيلەتتەردى 28- تامىزدان باستاپ Ticketon (https://ticketon.kz) سايتىنان ونلاين برونداۋعا بولادى.
