استانانىڭ قوعامدىق كولىگىندە جول ءجۇرۋ اقىسىن تولەۋ تاسىلدەرى كوبەيدى
ەلوردا اكىمدىگىنىڭ مالىمەتىنشە، قىركۇيەكتەن باستاپ جولاۋشىلارعا، سونداي-اق ەلوردا قوناقتارىنا ىڭعايلى بولۋ ءۇشىن «City Transportation Systems» كومپانياسى جول اقىسىن تولەۋدىڭ ەلەكتروندىق جۇيەسىن جاڭعىرتۋدى ىسكە قوسادى. جاڭا جۇيەگە تولىق كوشۋ جىل سوڭىنا قاراي جۇزەگە اسىرىلادى.
بۇگىنگى تاڭدا اۆتوبۋستاردا تولەم QR- كودتى بانكتەر مەن ۇيالى بايلانىس وپەراتورلارىنىڭ قوسىمشالارىمەن، سونداي-اق «Transcard» كولىك كارتاسىمەن جۇرگىزىلەدى. سونىمەن قاتار، جاڭا اۆتوبۋستاردا جول اقىسىن تولەۋدىڭ قوسىمشا ارنالارى پايدا بولادى: ەكىنشى دەڭگەيدەگى بانكتەردىڭ بانكتىك كارتاسى جانە NFC تەحنولوگيالارى ارقىلى، Bluetooth ارناسى ارقىلى.
ونلاين رەجيمدە ج ت ە ج مىناداي مۇمكىندىكتەردى بەرەدى:
تranscard كولىك كارتالارىن جەدەل تولىقتىرۋدى ىسكە اسىرۋ جانە ەكىنشى دەڭگەيدەگى بانكتەر مەن تولەم ۇيىمدارىنىڭ بارلىق قولجەتىمدى سەرۆيستەرىندە بارلىق قولدانىستاعى تاريفتەر بويىنشا جول اقىسىن ونلاين رەجيمىندە تولەۋ (بيىلعى قازان ايىندا، اۆتوبۋستاردى جاڭا جابدىقپەن قاجەتتى جاراقتاندىرىپ، كەيىننەن الدىڭعى جۇيەدە پايدالانىلاتىن كولىك كارتالارىنىڭ جاڭا جۇيەدە تىركەلۋىنە قاراي قولجەتىمدى بولادى)؛
ەكىنشى دەڭگەيدەگى بانكتەردىڭ بانكتىك كارتالارى ارقىلى جول اقىسىن تولەۋ تاسىلدەرىن كەڭەيتۋ، NFC كونتاكتىسىز تولەم (سمارتفون، سمارت ساعات)، QR كودتارىن وقۋ ارقىلى، Bluetooth تەحنولوگياسى؛
جۇيەنىڭ بارلىق وپەراتسيالارىن ونلاين رەجيمدە مونيتورينگىلەۋ جانە تولەمدەردىڭ بارلىق تۇرلەرى بويىنشا بولە وتىرىپ، جاسالاتىن ۆاليداتسيالاردى ۇسىنىلاتىن جۇيەدە كورسەتۋ جانە ناقتى ۋاقىت رەجيمىندە دەربەس ەسەپكە الۋدى جانە جالپى جولاۋشىلار اعىنىن جۇزەگە اسىرۋ مۇمكىندىگى؛
موبيلدى قوسىمشالاردا بەلسەندى حالىق ءۇشىن جانە ازاماتتاردىڭ جەڭىلدىكتى ساناتى، سونداي-اق وقۋ ورىندارىنىڭ وقۋشىلارى ءۇشىن ۆيرتۋالدى كارتانى ەنگىزۋ مۇمكىندىگى.
بۇگىنگى كۇنى ەلوردانىڭ جول اقىسىن تولەۋدىڭ ەلەكتروندىق جۇيەسىنىڭ بارلىق جابدىقتارى مەن باعدارلامالىق كەشەنى وفلاين رەجيمىندە جۇمىس ىستەيدى، بۇل رەتتە جۇيە وبەكتيۆتى مورالدىق تۇرعىدان ەسكىرگەن جانە نەعۇرلىم وزىق جانە وزەكتى شەشىمگە جاڭعىرتۋدى/اۋىستىرۋدى تالاپ ەتەدى.
اتاپ ءوتۋ كەرەك، قولدانىستاعى كولىك كارتالارىن اۋىستىرۋ كوزدەلمەيدى، جوعارىدا اتالعان بارلىق يننوۆاتسيالار 2023 -جىلدىڭ سوڭىنا دەيىن جوسپارلى تۇردە ەنگىزىلەدى جانە «ونلاين» رەجيمىندە جۇمىس ىستەيتىن جاڭا جۇيەگە كەزەڭ- كەزەڭىمەن كوشۋدى كوزدەيدى. باستى ماقسات - ەلوردا تۇرعىندارى ءۇشىن قولايسىزدىقتار تۋعىزبايتىن جاڭعىرتۋدى جۇرگىزۋ.
