سولتۇستىك قازاقستانداعى بىرنەشە اۋىلدىڭ اتاۋى قازاقشالانادى

استانا. قازاقپارات - سولتۇستىك قازاقستان وبلىسىنداعى بىرنەشە اۋىلعا قازاقشا اتاۋ بەرىلۋى مۇمكىن.

بۇل تۋرالى اشىق ن ق ا پورتالىندا جاريالانعان اكىمدىك قاۋلىسى مەن وڭىرلىك ماسليحاتتىڭ بىرلەسكەن شەشىم- جوباسىندا جازىلعان، دەپ حابارلايدى قازاقپارات ءتىلشىسى.

قۇجاتتا كورسەتىلگەندەي، ەندى سولتۇستىك قازاقستان وبلىسىنىڭ كەلەسى ەلدى مەكەندەرگە مىنا اتاۋلار بەرىلەدى:

ايىرتاۋ اۋدانى بويىنشا:

- قامساقتى اۋىلدىق وكرۋگىنىڭ كاراسيەۆكا اۋىلىنا - قامساقتى؛

- ۆولودار اۋىلدىق وكرۋگىنىڭ ۆوسكرەسەنوۆكا اۋىلىنا - بايانتاي اتاۋى بەرىلەدى.

شال اقىن اۋدانى بويىنشا:

- كريۆوشەكوۆ اۋىلدىق وكرۋگىنە - اراي؛

- كريۆوشەكوۆو اۋىلىنا - اراي اۋىلى اتاۋى بەرىلمەك.

اكىمدىك قاۋلىسى مەن وبلىستىق ماسليحاتتىڭ بىرلەسكەن شەشىمى 7- قىركۇيەككە دەيىن كوپشىلىك تالقىلاۋدا بولادى.