بۇگىنگى سامميت ب ر ي ك س- ءتىڭ ءرولىن كۇشەيتىپ، كوپتەگەن وزەكتى ماسەلەنى شەشۋگە كومەكتەسەدى - پرەزيدەنت
«بۇگىنگى سامميت ب ر ي ك س- ءتىڭ ءرولىن ەلەۋلى تۇردە كۇشەيتىپ، اشىق ديالوگ پەن ءوزارا تۇسىنىستىك نەگىزىندە جاھانداعى كوپتەگەن وزەكتى ماسەلەنى شەشۋگە كومەكتەسە الادى.
بۇل سامميت حالىقارالىق ارەناداعى جاعداي شيەلەنىسكەن كەزەڭدە ءوتىپ جاتىر. ونىڭ سيپاتتارى ساياسي قىسىم جاساۋدان، كونفرونتاتسيادان جانە جاپپاي سانكسيا سالۋدان كورىنەدى.
سوندىقتان مەن شانحاي ىنتىماقتاستىق ۇيىمىنىڭ قازىرگى ءتوراعاسى رەتىندە ءوڭىرارالىق ىنتىماقتاستىقتىڭ پەرسپەكتيۆاسى مەن ورتاق مۇددەلەرى تۋرالى كوزقاراسىمىزدى جەتكىزگىم كەلەدى»، - دەدى مەملەكەت باسشىسى جيىندا.
پرەزيدەنت وسى مۇمكىندىكتى پايدالانىپ، ءۇندىستاننىڭ پرەمەر-ءمينيسترى موديدى ايدىڭ وڭتۇستىك پوليۋسىنە تاياۋ جەرگە ءۇندىستاندىق عارىش اپپاراتىنىڭ ءساتتى قونۋىمەن شىن جۇرەكتەن قۇتتىقتادى.
«بۇل - تاريحي ۋاقيعا»، - دەپ باعالادى ق. توقايەۆ.