رەسەيدەگى قايعىلى وقيعا: قازاقستاندىق كۇدىكتى ماسكەۋ تەرگەۋ يزولياتورىندا ەكى اي وتىرادى

None
ماسكەۋ. قازاقپارات - قازاقستان ازاماتى، ەكسكۋرسيالىق ونلاين دۇكەننىڭ باس ديرەكتورى الەكساندر كيم ماسكەۋ قالاسىنداعى زاموسكۆورەسكي سوتىنىڭ شەشىمىمەن قاماۋعا الىندى، دەپ حابارلايدى قازاقپارات ءتىلشىسى.

جالپى يۋريسديكتسيا سوتتارى رەسمي پورتالىنىڭ مالىمەتىنشە، 23-تامىزدا ماسكەۋ قالاسىنىڭ زاموسكۆورەتسكي سوتى تەرگەۋ ورگاندارىنىڭ الەكساندر كيمدى قاماۋعا الۋ تۋرالى ءوتىنىشىن قاراۋ ءۇشىن وتىرىس وتكىزدى.

سوت تالقىسىنىڭ قورىتىندىسى بويىنشا، زاموسكۆورەسكي سوتىنىڭ سۋدياسى يرينا زورينا ءوتىنىشتى قاناعاتتاندىرۋ جونىندە شەشىم قابىلدادى.

ر ف ق ك 238-بابىنىڭ 3-بولىگىندە كوزدەلگەن قىلمىس جاسادى دەپ ايىپتالعان قازاقستان ازاماتىنا (تاۋارلار مەن ونىمدەردى ءوندىرۋ، ساقتاۋ، تاسىمالداۋ نەمەسە ساتۋ، قىزمەت كورسەتۋ، ابايسىزدا ەكى نەمەسە ودان دا كوپ ادامنىڭ ولىمىنە اكەپ سوقتىرعان قاۋىپسىزدىك تالاپتارىنا سايكەس كەلمەيتىن جۇمىستاردى ورىنداۋ) وسى ارەكەتتى جاساعانى ءۇشىن بەس جىلعا دەيىنگى مەرزىمگە ماجبۇرلەۋ جۇمىستارى نەمەسە ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.

سونىمەن قاتار، سارسەنبى كۇنى ماسكەۋدىڭ سۋ اعاتىن كوللەكتورىنداعى ادام ءولىمى بويىنشا ەكىنشى ايىپتالۋشى - جەراستى ەكسكۋرسيالارىن ۇيىمداستىرۋشى نيكيتا دۋباس قاماۋعا الىندى.

ايىپتالۋشىلار 21-قازانعا دەيىن قاماۋدا بولادى.

بۇعان دەيىن حابارلاعانىمىزداي، قاتىسۋشىلارى حابارسىز كەتكەن زاڭسىز ەكسكۋرسيا 20-تامىز كۇنى ماسكەۋدە وتكەن.

نوسەر جاۋىن جاۋعان كەزدە سۋ كۇرت كوتەرىلىپ، ديگگەرلەردىڭ قاشىپ قۇتىلاتىن مۇمكىندىگى بولماعان.

سەگىز ادام قايتىس بولىپ، ولاردىڭ دەنەسى نەگلينكا وزەنىنەن تابىلدى.

ق ر ازاماتى ا. كيمگە قاتىستى قىلمىستىق ءىس قازاقستاننىڭ رەسەيدەگى ەلشىلىگىنىڭ باقىلاۋىندا.


سوڭعى جاڭالىقتار