قازاقستاندا ءدارى-دارمەك قانشالىقتى قىمباتتادى

None
استانا. قازاقپارات - بيىل شىلدەدە فارماتسيەۆتيكا ونىمدەرى ايىنا 0,2 پايىزعا جانە جىلىنا 10,8 پايىزعا قىمباتتادى. ءدارى-دارمەك نارىعى بۇرىنعىشا يمپورتقا تاۋەلدى، دەپ حابارلايدى قازاقپارات energyprom.kz-كە سىلتەمە جاساپ.

ءبىر اي ىشىندە باعا پاۆلودار وبلىسىندا 1,2 پايىزعا كوتەرىلگەن. ودان كەيىن ۇلىتاۋ وبلىسىندا 0,7 پايىزعا، شىعىس قازاقستان، جامبىل، جەتىسۋ، قوستاناي، وبلىستارىندا 0,6 پايىزعا قىمباتتاعان. اتىراۋ مەن اقمولا وبلىسىندا باعا وزگەرمەگەن. تۇركىستان، قاراعاندى جانە الماتى وبلىستارىندا، كەرىسىنشە، 0,4 پايىز، 0,3 پايىز جانە 0,1 پايىزعا ارزانداعان.

جىلدىق كورسەتكىش بويىنشا باعانىڭ ەڭ قاتتى ءوسۋى الماتىدا تىركەلدى. جىلىنا 18 پايىزعا ارتتى. بۇل ۇشتىكتە ۇلىتاۋ (15,4 پايىز) جانە قىزىلوردا (14,9 پايىز) وبلىستارى بار. ەڭ تومەنگى ءوسىم جەتىسۋ وبلىسىندا بايقالدى - 5,9 پايىز.

فارماتسيەۆتيكا ونىمدەرىنىڭ ىشىندە ءبىر ايدا پاراتسەتامول - 2,4 پايىز، «ەسسەنتسيالە فورتە ن» —1,6 پايىز، «فەنيستيل نيۋ» تامشىلارى —1,3 پايىز، «ەناپ» — 0,9 پايىز، بەلسەندىرىلگەن كومىر - 0,7 پايىز قىمباتتادى. ال مىنا دارىلەردىڭ باعاسى، كەرىسىنشە، ءتۇستى: اتسيكلوۆير - 0,7 پايىز، ازيتروميتسين مەن «ينگاۆيرين» - 0,6 پايىز، «سمەكتا» - 0,5 پايىز، «كورۆالول» - 0,4، «رەنني»، «اكۆالور فورتە» سپرەيى - 0,3 پايىز، «يودومارين» مەن اتسەتيلساليتسيل قىشقىلى - 0,2 پايىز، «نۋروفەن» - 0,1 پايىز.

جىل ىشىندە پاراتسەتامول - 58,2 پايىز، يود ەرىتىندىسى - 29,9 پايىز، «اكۆالور فورتە» سپرەيى - 28,3 پايىز، امبروكسول - 21,5 پايىز، اتسەتيلساليتسيل قىشقىلى - 18 پايىز، بەلسەندىرىلگەن كومىر - 17,8 پايىز، اتسيكلوۆير - 16,5 پايىزعا قىمباتتادى.

سول ارالىقتا استانادا ت م ك ك ك مەن م ءا م س جۇيەسى اياسىندا دارىلىك زاتتار مەن مەديتسينالىق بۇيىمدارعا ارنايى قۇقىق سۋبەكتىسى رەتىندە ءبىرىڭعاي ديستريبيۋتوردى ۇستەمە باعالاۋ جوباسىن تالقىلاۋ بويىنشا جاريا تىڭدالىم ءوتتى. «س ك-فارماتسيا» ءوز ۇستەمەسىن 11,2 پايىزعا كوتەرگىسى كەلەدى.

پروفيلدىك قاۋىمداستىق وكىلدەرى نەلىكتەن باعا وسەتىنىن تۇسىنبەيتىنىن ايتتى.

جالپى قازاقستاننىڭ ءوزىن فارماتسيەۆتيكالىق تاۋارلارمەن قامتاماسىز ەتۋ دارەجەسى تومەن. ماسەلەن، بيىلعى جىلدىڭ قاڭتار- ماۋسىم قورىتىندىسى بويىنشا پروۆيتاميندەر، ۆيتاميندەر مەن ولاردى وندىرۋگە سۇرانىس (ىشكى نارىقتى جۇزەگە اسىرۋ جانە ميكروسكوپيالىق ەكسپورت) وتە تومەن، 0,02 پايىز قامتاماسىز ەتىلدى. ەلدە وسى كەزەڭدە بارلىعى 43 كەلى عانا ۆيتامين ءوندىرىلدى، بۇل الدىڭعى جىلمەن سالىستىرعاندا 48,3 پايىز كوپ. سالىستىرۋ ءۇشىن: يمپورت 173,2 توننا بولدى (جىلىنا پليۋس 10,4 پايىز).

انتيبيوتيكتەرگە سۇرانىس جاقسىراق قامتاماسىز ەتىلدى، سوعان قاراماستان 38,2 پايىز قانا. انتيبيوتيك ءوندىرىسى 7,8 تونناعا جەتتى، بۇل بىلتىرعى جىلمەن سالىستىرعاندا 11,2 پايىز كوپ. ال يمپورت 12,7 توننا بولدى، مينۋس 50,7 پايىز. سوعان سايكەس يمپورت ۇلەسى 61,8 پايىزدى قۇرادى. ىشكى نارىقتا 20,4 توننا انتيبيوتيك شىعارىلدى، ول ءبىر جىل بۇرىنعى كورسەتكىشتەن 38 پايىزعا از (وعان كوروناۆيرۋس پاندەمياسىنىڭ ازايعانى دا اسەر ەتتى).

بيىلعى جىلدىڭ العاشقى جارتىجىلدىعىنىڭ قورىتىندىسى بويىنشا قازاقستان 694,2 ميلليون ا ق ش دوللارىنا 13,9 مىڭ توننا مەديكامەنت يمپورتتادى. تابيعي كورسەتكىشتە ءوسىم - 11,9 پايىز بولسا، اقشالاي يمپورت كولەمى، كەرىسىنشە، 3,7 پايىزعا ازايدى.

ت م د ەلدەرىنىڭ ىشىندە قازاقستانعا 4 مىڭ توننا ءدارى-دارمەك كىرگىزدى، بىلتىرعى جىلمەن سالىستىرعاندا 3,8 پايىز- كە از. ەڭ كوپ ءدارى- دارمەك رەسەيدەن اكەلىنەدى ەكەن: 40,9 ميلليون ا ق ش دوللارىنا 2,9 مىڭ توننا. سونداي-اق قازاقستان بەلورۋس پەن ۋكراينادان ايتارلىقتاي ءدارى-دارمەك يمپورتتايدى: 609,9 جانە 413,3 توننا.

ت م د قۇرامىنا ەنبەيتىن باسقا ەلدەردەن يمپورت كولەمى 9,9 مىڭ توننا بولدى. بۇل ءبىر جىل بۇرىنعىمەن سالىستىرعاندا 19,9 پايىزعا كوپ. ۇزدىك ۇشتىك قۇرامىندا قىتاي (2,2 مىڭ توننا)، گەرمانيا (1,3 مىڭ توننا) جانە ءۇندىستان (1,2 مىڭ توننا) بار.

سوڭعى جاڭالىقتار