استانادا قىز بۇرىنعى جىگىتىن كولىكپەن سۇيرەپ اكەتكەن: ەر ادام قازا تاپتى

استانا. قازاقپارات - استانا تۇرعىنى بۇرىنعى جىگىتىمەن جانجالداسىپ، كولىكتىڭ اينەگىنەن قولىن سۇعىپ تۇرعان ەر ادامدى سۇيرەپ كەتكەن.

وقيعا سالدارىنان جىگىت وقيعا ورنىندا قازا تاپتى، - دەپ حابارلايدى Massaget.kz.

قايعىلى وقيعا قىز بەن جىگىت اراسىنداعى جانجالدان كەيىن بولعان.

سوتتا جابىرلەنۋشىنىڭ سوتتالۋشىنى ساعات 23:00 شاماسىندا ءۇيىنىڭ جانىندا كۇتكەنى انىقتالدى. كەزدەسۋ بارىسىندا، كولىككە وتىرعاننان كەيىن ەر ادام قارىم-قاتىناستى ودان ءارى جالعاستىرا بەرۋدى ۇسىنعان، الايدا قىز بۇل ۇسىنىستان باس تارتقان. كەيىن ەر ادام ونىڭ ۇيالى تەلەفونىن تارتىپ العان.

جانجالدان سوڭ ەر ادام قىزدىڭ ۇيىنە ورالۋىن كۇتىپ، ساعات 05:23 شاماسىندا كولىكتىڭ الدىنان جۇگىرىپ شىققان. ول قىزدىڭ ۇيگە كەش ورالعانىن ايتىپ، كولىكتىڭ ەسىگىن اشۋدى تالاپ ەتكەن. بۇدان سوڭ ول بالاعات ءسوز ايتىپ، قىزدى موينىنان ۇستاپ، تۇنشىقتىرا باستاعان.

وسى ۋاقىتتا قىز جىگىتتىڭ كولىكتىڭ الدىندا ەمەس، سول جاعىندا تۇرعانىن ۇعىنىپ، تىك باعىتتا قوزعالا باستاعان.

ال جىگىت كولىكتىڭ جۇرگىزۋشى جاعىنداعى تومەن تۇسىرىلگەن تەرەزەدەن قىزدى ەكى قولىمەن ۇستاپ الىپ، تۇنشىقتىرۋىن توقتاتپاعان.

قىز كولىگىن توقتاتپاي العا جۇرە بەرگەندە ەر ادام كولىككە ىلىنىسكەن قالپىندا ءوزىن-ءوزى ۇستاي الماي جولعا قۇلاعان. ول اسفالتقا سوعىلىپ، وقيعا ورنىندا كوز جۇمدى.

ءبىرىنشى ساتىداعى سوتتا قىز ابايسىزدا ادام ولىمىنە اكەپ سوققان (قىلمىستىق كودەكستىىڭ 112-بابىنىڭ 2-بولىگى) قورعانىس شەگىنەن اسقان كەزدە دەنساۋلىققا قاساقانا اۋىر زيان كەلتىرگەنى ءۇشىن كىنالى دەپ تانىلدى. ول 1 جىلعا باس بوستاندىعىنان ايىرىلدى.

القا سوتتالۋشى بۇل جاعدايدا ەر ادامنىڭ دەنساۋلىعىنا اۋىر زيان كەلتىرۋ نيەتىندە بولماي، تەك ءوزىنىڭ ءومىرى مەن دەنساۋلىعىنا قول سۇعۋعا جول بەرمەۋگە تىرىستى دەگەن تۇجىرىمعا كەلدى.

استانا قالالىق سوتىنىڭ باسپا ءسوز قىزمەتى وكىلدەرىنىڭ ايتۋىنشا، ءىستى قاراۋ ناتيجەسىندە اقتاۋ ۇكىمى شىعارىلدى.