الماتىلىقتار ۇلكەن الماتى كولىنە بارار جولداعى تاريفكە شۇيلىكتى
الەۋمەتتىك جەلىدە الما-اراسان شاتقالىندا تۇسىرىلگەن ۆيدەو تارالىپ جاتىر. وندا قالاعا ءتۇسىپ كەلە جاتقان ەر ادام ۇ ا ك-نە كىرۋ ءۇشىن جيناپ جاتقان اقشانى ەستىپ شۇيلىككەن. ونىڭ ايتۋىنشا، «قازاۆتوجول» قىزمەتكەرلەرى جولداردىڭ اپاتتى جاعدايدا ەكەنىن ايتىپ توعاننان ارى قاراي جىبەرمەي قويعان.
«الايدا 30 مىڭ تەڭگە بەرسەك قىزمەتتىك كولىكپەن وتە الامىز. تاكسي جۇرگىزۋشىلەرى دە ءوتىپ جاتىر، جامان جول جاقسارىپ كەتتى. قالاي ويلايسىزدار، بۇل قانشالىقتى زاڭدى؟»، - دەيدى ەر ادام.
پىكىر قالدىرۋشىلار اۆتوردىڭ سوزىمەن كەلىسىپ، قولداۋ بىلدىرگەن.
«ءبىز ۇلىمىز ەكەۋىمىز قۇبىرمەن كوتەرىلدىك. تاكسي جۇرگىزۋشىلەرى ارلى-بەرلى ءجۇرىپ جاتقانىن كوردىك. اقشاعا ءبارىن ىستەۋگە بولادى، دەرەۋ جىبەرەدى»، - دەيدى تۋريستەردىڭ ءبىرى.
«بۇل كوپتەن بەرى جالعاسىپ كەلەدى.»كومەكشىلەر«و باستان سوندا ءجۇر، باعاسى 20 مەن 40 مىڭ ارالىعىندا، ادام اعىنىنا بايلانىستى. وسىنداي جاعدايعا بىرنەشە رەت تاپ بولدىم»، - دەيدى تاعى ءبىر جەلى قولدانۋشىسى.
وسى شاعىمعا قاتىستى «قازاۆتوجول» ۇلتتىق كومپانياسىنىڭ وكىلدەرى ءوز قىزمەتكەرلەرىنىڭ ەشكىمدى اقشاعا تاسىمايتىنىن مالىمدەدى.
«جول قىزمەتىندەگىلەر ادامداردى اقىعا تاسىمالداپ ءجۇر دەگەن مالىمەت شىندىققا جاناسپايدى. جول قىزمەتىنىڭ ماماندارى سول جول بولىگىن كۇتىپ ۇستاۋ باعىتىندا جۇمىس ىستەيدى، ارنايى تەحنيكانىڭ كومەگىمەن تاۋدان تۇسكەن تاستاردان، كوشكىننەن جانە باسقا دا زاتتاردان تازالايدى.
ۇلتتىق كومپانيا الماتى پوليتسيا دەپارتامەنتىنەن كومەك سۇراپ، وسى ايماقتا رەيدتىك شارالاردى كۇشەيتۋدى تالاپ ەتپەك»، - دەيدى قازاۆتوجول وكىلدەرى.
سونداي-اق، جاياۋ جۇرگىنشىلەر مەن ۆەلوسيپەد مىنگەندەرگە ۇلكەن الماتى كولىنە بارۋعا شەكتەۋ جوق.
Посмотреть эту публикацию в Instagram
