استانادا بانك قىزمەتكەرلەرىن كەپىلگەن العان ەر ادامنىڭ اقىل-ەسى دۇرىس دەپ تانىلدى - پوليتسيا
سوت-پسيحياتريالىق ساراپتامانىڭ قورىتىندىسى بويىنشا ونىڭ اقىل-ەسى دۇرىس دەپ تانىلدى.
Tengrinews.kz ءتىلشىسىنىڭ ساۋالىنا ەلوردالىق پوليتسيا دەپارتامەنتى جاۋاپ بەردى.
مۋرادوۆقا قاتىستى سوتالدى تەرگەۋ بيىل 6- تامىزدا اياقتالدى. بارلىق قاتىسۋشى ءىس ماتەريالدارىمەن تانىستى. پروكۋرور كۇدىكتىگە قاتىستى ايىپتاۋ ۇكىمىنە 15- تامىزدا قول قويدى، ءىس استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جىبەرىلدى.
«سوت-پسيحياتريالىق ساراپتامانىڭ قورىتىندىسىنا سايكەس، ەر ادامنىڭ اقىل-ەسى دۇرىس دەپ تانىلدى»، - دەدى پوليتسەيلەر.
پوليتسيا قىزمەتكەرلەرى تەرگەۋ بارىسىندا ءاليحان مۋرادوۆتىڭ جالعىز ءوزى ارەكەت ەتكەنىن انىقتادى.
«بۇل قىلمىسقا باسقا ادامداردىڭ قاتىسى بارى انىقتالمادى»، - دەدى پوليتسيا دەپارتامەنتىندەگىلەر.
بۇعان دەيىن مۋرادوۆتىڭ قىلمىستىق نەمەسە اكىمشىلىك جاۋاپكەرشىلىككە تارتىلماعانى دا بەلگىلى بولدى. ول 2013-جىلى ناركولوگيالىق ديسپانسەردە ەسەپتە تۇرعان.
قازىر مۋرادوۆ استانا قالاسى قىلمىستىق-اتقارۋ جۇيەسى دەپارتامەنتىنىڭ 64№ مەكەمەسىندە قاماۋدا وتىر. سوتالدى تەرگەپ-تەكسەرۋدىڭ وزگە مالىمەتتەرى قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتىلمەيدى.
ەسكە سالايىق، بۇعان دەيىن Kaspi.kz- ءتىڭ استاناداعى بولىمشەسىندە ەر ادام بىرنەشە قىزمەتكەردى كەپىلگە العانى حابارلانعان بولاتىن. جەلىدە وقيعا ورنىنان تۇسىرىلگەن ۆيدەو تارادى. كەيىن kaspi Bank وكىلدەرى بۇل وقيعاعا قاتىستى پىكىر ءبىلدىردى. ولاردىڭ ايتۋىنشا، كەپىلگە الىنعاندار اراسىندا بانككە كەلۋشىلەر جوق.
ىشكى ىستەر مينيسترلىگى وكىلدەرى Kaspi Bank-تە نەشە ادام كەپىلدە وتىرعانىن مالىمدەدى. كەيىنىرەك ەر ادام 7 ادامدى كەپىلگە العانى بەلگىلى بولدى.
كەيىن كەپىلگە الىنعانداردىڭ سىرتقا شىعارىلعانى، وقيعا ورنىنا قالا اكىمى جەڭىس قاسىمبەك پەن ىشكى ىستەر ءمينيسترى مارات احمەتجانوۆ كەلگەنى حابارلاندى.
