سۋ بويىنشا قازاقستاننىڭ قىرعىزستانعا ەشقانداي وكپەسى جوق - قىرعىز اۋىل شارۋاشىلىعى مينيسترلىگى

بىشكەك. قازاقپارات - قىرعىزستان اۋىل شارۋاشىلىعى مينيسترلىگىنە قاراستى سۋ رەسۋرستارى قىزمەتىنىڭ ديرەكتورى المازبەك سوكەيەۆ باسپا ءسوز ءماسليحاتىندا سۋ ماسەلەسى بويىنشا قازاقستان تاراپىنان قىرعىزستانعا ەشقانداي نارازىلىق جوق ەكەنىن ايتتى، دەپ حابارلايدى قازاقپاراتتىڭ مەنشىكتى ءتىلشىسى.

ۆەدومستۆو باسشىسى قازاقستاندىق ارىپتەستەرىمەن تەلەفون ارقىلى سويلەسكەنىن جەتكىزدى، ايتۋىنشا، ولار شاعىم جوق ەكەنىنە سەندىرگەن.

17-19- شىلدەدە قازاقستان تاراپىنىڭ ءوتىنىشى بويىنشا كيروۆ سۋ قويماسىنان سۋ ءبولۋ جانە سۋ بەرۋدى 45 м3/س ە ك دەيىن ۇلعايتۋ ماسەلەلەرى بويىنشا قىرعىزستان جانە قازاقستان وكىلدەرىنىڭ كەزدەسۋى ءوتتى.

قازاقستاندىق ارىپتەستەردىڭ كەلىسىمىمەن ەكى تاراپتىڭ قول قويىلعان حاتتاماسىنا سايكەس 2023-جىلدىڭ 4- تامىزىنا دەيىن سۋ دەڭگەيى تۇسىرىلەدى.

ءليميتتىڭ اياقتالۋىنا بايلانىستى وسى جىلدىڭ 5- تامىزىنان باستاپ ق ر- عا سۋ بەرۋ توقتاتىلدى.

سونداي-اق، كيروۆ سۋ قويماسىنا اعىن ۇلعايعان جاعدايدا قىرعىزستان قازاقستانعا سۋ بەرۋ ماسەلەسىن قارايتىنى حابارلاندى.

ۆەدومستۆونىڭ مالىمەتىنشە، كيروۆ سۋ قويماسىنىڭ جوبالىق كولەمى 550 ميلليون м3.

سۋ قىرعىزستان مەن ق ر اراسىندا قول قويىلعان سۋ ءبولۋ كەستەسى مەن حاتتاماسىنا سايكەس بەرىلگەن.

ۆەدومستۆو بۇگىندە قىرعىز تاراپى قازاقستان الدىنداعى بۇكىل مىندەتتەمەلەرىن ورىنداعانىن اتاپ ءوتتى.

2023-جىلعى 22 تامىزداعى جاعداي بويىنشا كيروۆ سۋ قويماسىنىڭ كولەمى - 14,5 ميلليون м3، بۇل وتكەن جىلعى كورسەتكىشتەن 92,1 ميلليون м3 كەم.

بۇگىندە 0,7 м3/س ە ك (وتكەن جىلى - 13,7 м3/س ە ك) سۋ ءتۇسىپ جاتىر، اعىن ۇلعايماعان.

شەنەۋنىك شۋ وزەنى ارقىلى سۋ بەرۋگە قاتىستى ءمالىم ەتكەندەي، قازىرگى ۋاقىتتا قازاقستانعا گەورگيەۆسك ماگيسترالدىق كانالى ارقىلى 6,5-7 м3/س ە ك، ال جالپى 9,5-10 м3/س ە ك جىبەرىلىپ جاتقانىن حابارلادى، بۇل %20 ءليميتتى قۇرايدى.

سۋ رەسۋرستارى قىزمەتىنىڭ باسشىسى قىرعىز-قازاقستان شەكاراسىندا جۇك كولىكتەرىنىڭ كوپ جينالۋىمەن بايلانىستى جاعدايدى سۋ توقتاتۋمەن بايلانىستىرمايدى.