جاڭا وقۋ جىلىنان باستاپ ستۋدەنتتەر قانشا شاكىرتاقى الادى

استانا. قازاقپارات - پرەمەر- مينيستر ءاليحان سمايىلوۆ «مەملەكەتتىك ستيپەنديالاردى تاعايىنداۋ، تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» ۇكىمەت قاۋلىسىنا قول قويدى. وعان ساي ستۋدەنتتەردىڭ شاكىرتاقىسى ارتادى، دەپ حابارلايدى قازاقپارات ءتىلشىسى.

قاۋلىعا سايكەس، ستۋدەنتتەردىڭ اي سايىنعى مەملەكەتتىك ستيپەندياسى مىنا مولشەردە بەكىتىلدى:

- دايارلاۋدىڭ پەداگوگيكالىق باعىتتارى جانە «دەنساۋلىق ساقتاۋ» باعىتى بويىنشا ءبىلىم الاتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە - 41898 تەڭگە؛

- پەداگوگيكالىق باعىت بويىنشا ءبىلىم الاتىن ستۋدەنتتەرگە - 67200 تەڭگە؛

- «دەنساۋلىق ساقتاۋ» باعىتى بويىنشا ءبىلىم الاتىن ستۋدەنتتەرگە - 67200 تەڭگە؛

ينتەرندەرگە - 75890 تەڭگە؛

ماگيسترانتتارعا - 97024 تەڭگە.

- «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمىندا ءبىلىم الاتىن ماگيسترانتتارعا - 181250 تەڭگە؛

دوكتورانتتارعا - 217500 تەڭگە.

- دايارلاۋدىڭ «دەنساۋلىق ساقتاۋ» باعىتى بويىنشا دوكتورانتتارعا - 217500 تەڭگە؛

- دايارلاۋدىڭ «دەنساۋلىق ساقتاۋ» باعىتى بويىنشا رەزيدەنت- دارىگەرلەرگە جانە ماگيسترانتتارعا - 111579 تەڭگە.

- مەملەكەتتىك ورگانداردان وقۋعا جىبەرىلگەن قر جوعارعى سوتىنىڭ جانىنداعى سوت تورەلىگى اكادەمياسىنىڭ ماگيسترانتتارىنا سوڭعى جۇمىس ورنى بويىنشا لاۋازىمدىق ايلىقاقىسىنىڭ دەڭگەيىندە، ءبىراق مەملەكەتتىك ءبىلىم بەرۋ تاپسىرىسى بويىنشا ءبىلىم الاتىن ماگيسترانتتار ءۇشىن بەلگىلەنگەن مەملەكەتتىك ستيپەنديانىڭ مولشەرىنەن تومەن ەمەس.

- تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا جۇمىسشى بىلىكتىلىكتەرى بويىنشا وقيتىن ستۋدەنتتەرگە - 32681 تەڭگە.

- تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن) ، ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەردىڭ مەملەكەتتىك ستيپەندياسى - 31422 تەڭگە.

پرەمەر- مينيستر قول قويعان ۇكىمەت قاۋلىسى 2023 -جىلدىڭ 1-قىركۇيەگىنەن باستاپ قولدانىسقا ەنگىزىلەدى.