قاراعاندىدا شاحتەر كۇنىنە ارنالعان سالتاناتتى شارالار بيىل وتپەيدى

قاراعاندى. قازاقپارات - «قازاقستان» شاحتاسىنداعى قايعىلى وقيعاعا بايلانىستى شاحتەر كۇنىنە ارنالعان بۇكىل مەرەكەلىك ءىس-شارالار بيىل ۇيىمداستىرىلمايدى.

بۇل جايىندا وبلىس اكىمدىگىنەن حابارلاندى، دەپ حابارلايدى قازاقپارات.

جالپى قازاقستاندا شاحتەر كۇنى جىل سايىن تامىزدىڭ سوڭعى جەكسەنبىسىندە تويلانادى.

ەسكە سالا كەتەيىك، 17- تامىز كۇنى قاراعاندى وبلىسىنداعى «قازاقستان» شاحتاسىندا ءورت تۇتاندى.

اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.

شاحتانىڭ استىندا قالىپ قويعان بەس كەنشىنىڭ دەنەسى تابىلدى.

18- تامىزداعى جاعداي بويىنشا مەديتسينا مەكەمەلەرىندە ورتتەن زارداپ شەككەن 11 كەنشى ەم قابىلداپ جاتىر.

ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ءمالىم ەتكەندەي، «قازاقستان» شاحتاسىنداعى اپات ءۇشىن جاۋاپتى تۇلعا 7 جىلعا دەيىن تۇرمەگە قامالۋى مۇمكىن.

پرەزيدەنت قاسىم-جومارت توقايەۆ ءورت سەبەبىن انىقتاۋ ءۇشىن جان-جاقتى تەرگەۋ جۇرگىزۋدى تاپسىردى.