قازاقستاندا شاي مەن كوفە ءوندىرىسى ارتتى

استانا. قازاقپارات - ەلىمىزدە جارتى جىل ىشىندە شاي مەن كوفە ءوندىرىسى 17,2 پايىز ءوستى، دەپ حابارلايدى قازاقپارات.

ۇلتتىق ستاتيستيكا بيۋروسىنىڭ مالىمەتىنشە، 2023-جىلعى قانتار-ماۋسىمدا ەلىمىزدە 10,3 مىڭ توننا شاي مەن كوفە ءوندىرىلدى. بۇل وتكەن جىلدىڭ سايكەس كەزەڭىمەن سالىستىرعاندا 17,2 پايىز ارتىق (2022-جىلعى قاڭتار-ماۋسىم - 2022 8,8 مىڭ توننا).

يمپورت ۇلەس سالماعى 73,4 پايىز - ەلگە اتالعان ءونىمنىڭ 28,5 مىڭ تونناسى اكەلىنگەن. وسىلايشا يمپورت كولەمى التى ايدا 32,8 پايىز ءوستى.

ەكسپورتقا جارتى جىلدا 3,5 مىڭ توننا شاي مەن كوفە جىبەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 18,6 پايىز ارتىق.

ىشكى نارىقتا بارلىعى 35,2 مىڭ توننا ءونىم ساتىلدى. بۇل وتكەن جىلمەن سالىستىرعاندا 29,3 پايىز كوپ. 2022-جىلعى شىلدەمەن سالىستىرعاندا بيىلعى شىلدەدە شاي باعاسى 12,8 پايىز، كوفە 17,5 پايىز قىمباتتاعان.