قاسىم-جومارت توقايەۆ ۆەتنامدىق جاڭا ۇلگىدەگى كومپانيانىڭ ءوندىرىس الاڭىن ارالاپ كوردى

None
Фото: t.me/aqorda_resmi
استانا. قازاقپارات - پرەزيدەنت Hyosung Financial System Vina كومپانياسىنىڭ ءوندىرىس الاڭىن ارالاپ كوردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كاسىپورىن جاڭا ۇلگىدەگى بانكوماتتار، اۆتوماتتى كاسسا اپپاراتتارىن (TCR) شىعارادى، سونداي-اق بانك-قارجى سالاسىنا ارنالعان باعدارلامالار جاسايدى.

كاسىپورىندا جىلىنا 80 مىڭنان اسا بۇيىم وندىرىلەدى. بۇدان بولەك، كومپانيا وزىق تەحنولوگيالارعا كوشۋ، ءونىم ساپاسىن ارتتىرۋ، ۆەتنامدا اقپاراتتىق تەحنولوگيالار باعىتىنداعى ادام كاپيتالىن دامىتۋعا ىقپال ەتۋ ءۇشىن ءوندىرىس جانىنان زەرتتەۋ ورتالىعىن اشقان.


زاۋىتتىڭ ءوندىرىس جەلىسىمەن تانىسقان مەملەكەت باسشىسى قارجى تەحنولوگياسى سالاسىندا تاجىريبە الماسۋ قاجەت ەكەنىنە نازار اۋداردى.

ايتا كەتەيىك، مەملەكەت باسشىسى قاسىم- جومارت توقايەۆ ۆەتنامدا رەسمي ساپارمەن ءجۇر.

بۇگىن پرەزيدەنت ۆەتنام باسشىسىمەن كەلىسسوزدەر جۇرگىزدى، جانە ونى ەلىمىزگە مەملەكەتتىك ساپارمەن كەلۋگە شاقىردى.

وسى جولعى ساپار اياسىندا قازاقستان مەن ۆەتنام اراسىندا 12 قۇجاتقا قول قويىلدى.


سوڭعى جاڭالىقتار