وقۋ-اعارتۋ ءمينيسترى وقۋشىنىڭ مەكتەپكە حيدجابپەن كەلۋ ماسەلەسىنە قاتىستى تۇسىنىك بەردى
«كونستيتۋتسيا بويىنشا قازاقستان - زايىرلى مەملەكەت. مەكتەپ تە زايىرلى بولىپ سانالادى. 2016 -جىلى بەكىتىلگەن وقۋشىلاردىڭ مەكتەپ فورماسى مەن كيىمىنە قاتىستى بۇيرىق بار. ول وزگەرگەن جوق. سوندىقتان بالالار ءبىلىم ورداسىنا مەكتەپ فورماسىمەن كەلۋى كەرەك. بۇل بالالاردىڭ بىردەي ءبىلىم الۋى ءۇشىن جاسالىپ وتىر. سوندىقتان بۇل باعىتتا وزگەرىس جوق. ەندى كوتەرىپ وتىرعان ماسەلە (وقۋشىلاردىڭ مەكتەپتە حيدجاب كيىپ كەلۋى - اۆتور تۇسىندىرمەسى) مۇنى شەشە الا ما؟! ءبىرىنشى كەزەكتە ءبىز نەگىزگى ماقسات پەن ادامداردىڭ قوسىمشا ويىن شاتاستىرماۋىمىز كەرەك. بالا مەكتەپتە ساپالى ءبىلىم مەن سانالى تاربيە الۋعا مىندەتتى. ونى اتا-انا قامتاماسىز ەتۋى ءتيىس. ول زاڭدا بەلگىلەنگەن. سوندىقتان ءبارىمىز زاڭدى ورىنداۋىمىز قاجەت»، - دەپ جاۋاپ بەردى عاني بەيسەمبايەۆ ب ا ق وكىلدەرىنىڭ ساۋالىنا وراي.
