اباي بولىڭىز! ينتەرنەتتەگى جارنامالار نەسىمەن قاۋىپتى؟

None
الماتى. قازاقپارات - كۇن سايىن ينتەرنەت كەڭىستىگىندە مىڭداعان جارناما ۇسىنىستارىن كورەمىز. جارناما قوسىمشالاردا، الەۋمەتتىك جەلىلەردە جانە سايتتاردا شىعادى.

مۇنداي جارناما ءبىر قاراعاندا ەش زيانسىز كورىنەدى. «X» بەلگىسىن باسىپ، ودان ءارى تاڭدالعان فيلمدى نەمەسە جاڭالىق توپتاماسىن وقىڭىز. الايدا وسىنداي «X» بەلگىسىنىڭ بىرەۋى ادامداردى جالعان ۆەب-سايتتارعا باعىتتايدى جانە پايدالانۋشىلاردىڭ گادجەتتەرىنە ۆيرۋستار ەنگىزە الادى. الدىڭىزدان شىعا بەرەتىن جارنامانىڭ قانداي قاۋپى بار جانە ولاردان قالاي قورعانۋ كەرەك؟ Fingramota.kz-كە كيبەرقاۋىپسىزدىك سالاسىنداعى ساراپشىلار ايتىپ بەردى.

الداۋدىڭ باستى ءتاسىلى

قاسكۇنەمدەر حالىقتى الداپ، ولاردىڭ جەكە جانە تولەم دەرەكتەرىن الۋ ءۇشىن بارلىعىنا دايىن. ولاردىڭ باستى ماقساتى جارنامامەن بايلانىستى - پايدالانۋشىنى شىنايى سايت/ارنا/قوسىمشا ارقىلى قاقپانعا ءتۇسىرۋ.

«جارنامادا فيشينگتى قولدانۋ الاياقتار ءۇشىن ەڭ تانىمال جانە ءساتتى الاياقتىق. بۇل مەيىلىنشە قاراپايىم. الاياقتار تانىمال ينتەرنەت-رەسۋرستاردا جارناماعا ورىن يەلەنەدى جانە زيانكەستى باعدارلامالىق قامتىلىمداردى جۇگىرتپەلى جارناما حابارلاندىرۋعا نەمەسە باننەرلەرگە ەنگىزەدى. ەگەر پايدالانۋشى حابارلاندىرۋ بويىنشا باسسا، وندا بىرنەشە URL-اتتار اراسىندا قايتا ادرەستەۋ بولادى جانە جالعان ۆەب-سايتقا تاپ بولادى دا ءوزىنىڭ گادجەتىنە ۆيرۋستى باعدارلامالىق قامتىلىمدى اۆتوماتتى تۇردە ورناتىپ الادى. مۇنداي زيانكەستى باعدارلامالار جارنامالىق حابارلاندىرۋدىڭ ءبىر پيكسەلىندە دە بولۋى ىقتيمال»، - دەيدى كيبەرقاۋىپسىزدىك، ات جانە كوممۋنيكاتسيالار سالاسىنداعى تاۋەلسىز ساراپشى ەۆگەنيي پيتولين.

ساراپشى جارنامانىڭ الدامشى ەكەنىن ءتۇسىنۋ ءۇشىن سىزگە پاراساتتى پايىمىڭىز كومەكتەسەتىنىن ايتادى. مىسالى، تەز بايۋ سحەمالارىن قامتيتىن جارناماعا، لوتەرەيامەن الاياقتىقتارعا، 1 مينۋتتا كرەديت الۋعا جانە ت. ب. ساقتىقپەن قاراۋ كەرەك. ەگەر جارنامادا قول جەتىمدىلىك بولسا، مۇنىڭ الدامشى بولۋى ابدەن مۇمكىن. مۇنى تەكسەرىپ، تاعدىرىڭىزدى سىناماڭىز. بۇعان ءمان بەرمەگەن ءجون.

مەزى ەتەتىن جارنامالار ارقىلى ءسىز ءوز كومپيۋتەرىڭىزگە پەرنەتاقتا تىڭشىسىن (كەيلوگگەر) دا جۇكتەپ الاسىز.

«كەيلوگگەر - بۇل ءسىزدىڭ پەرنەتاقتامەن جاساعان بارلىق مانيپۋلياتسيالارىڭىزدى، سونىڭ ىشىندە لوگيندەردى، پارولدەردى جانە باسقالارىنىڭ ەنگىزىلۋىن ساقتاپ الاتىن جانە جازاتىن زياندى باعدارلاما»، - دەيدى ق ر ىشكى ىستەر مينيسترلىگىنىڭ كيبەرقىلمىسقا قارسى كۇرەس ورتالىعىنىڭ باسشىسى جاندوس ءسۇيىنباي.

ءارى قاراي، ساراپشىنىڭ پىكىرىنشە، حاكەرلەر ۇستاپ قالعان اقپاراتتى قاشىقتىقتاعى سەرۆەرىنە جىبەرە الادى.

كوبىنەسە مەزى ەتەتىن جارنامالار ءسىزدى تانىمال ينۆەستيتسيالىق كومپانيالاردىڭ كلون-سايتتارىنا الىپ كەلۋى مۇمكىن. جالعان ۆەب-سايتتاردىڭ ديزاينى شىنايى ۆەب-سايتتارمەن بىردەي.

«الاياقتار ەسكى سحەمالار بويىنشا جۇمىس ىستەيدى، قور نارىعىندا %99 ىقتيمالدىقپەن تابىس تابۋعا ۋادە بەرەدى نەمەسە قىسقا مەرزىمدە قوماقتى اقشا تابۋعا مۇمكىندىك بەرەتىن عاجايىپ پلاتفورمالارعا كىرۋ ءۇشىن ساۋالنامادان ءوتۋدى سۇرايدى. بۇنىڭ سوڭى نەگە اكەلىپ سوعاتىنىن بولجاۋ قيىن ەمەس. ينتەرنەت كەڭىستىگىندە، اسىرەسە فيشينگتىك سايتتاردا ءوزىڭىزدىڭ دەربەس دەرەكتەرىڭىزدى قالدىرماڭىز»، - دەپ ەسكەرتتى جاندوس ءسۇيىنباي.

سونداي-اق ادامدى مەزى ەتەتىن جارنامالار ارقىلى ءسىز جالعان ينتەرنەت- دۇكەندەرگە تاپ بولۋىڭىز مۇمكىن.

«تاۋار باعاسى باسقا ساتۋشىلارمەن سالىستىرعاندا تىم تومەن بولاتىن سايتتارعا تاپ بولساڭىز نەمەسە تاۋاردى جەتكىزۋ مەرزىمى مەن قۇرامى حابارلاندىرۋدا كورسەتىلگەن دەرەكتەرمەن سايكەس كەلمەيتىن جاعدايدا، ساق بولعانىڭىز ءجون»، - دەدى ساراپشى.


سوڭعى جاڭالىقتار