وسكەمەندە ەلەكترلىك كەپتىرگىشتىڭ كەسىرىنەن توعىز قاباتتى ۇيدە ءورت شىقتى

استانا. قازاقپارات - وسكەمەندە ەلەكترلىك كەپتىرگىش توعىز قاباتتى ۇيدەگى ورتكە سەبەپكەر بولدى، دەپ حابارلايدى ق ر ت ج م باسپا ءسوز قىزمەتى.

ش ق و ت ج د ءورت ءسوندىرۋ ەسەپتوپتارى تاڭعى ساعات 4 شاماسىندا بەسىنشى قاباتتاعى ۇيلەردىڭ بىرىندە بولعان ورتكە دەرەۋ جىبەرىلدى.

ءبىرىنشى كەزەكتە ءورت سوندىرۋشىلەر ءتۇتىن ايماعىنان 19 تۇرعىندى، ونىڭ ىشىندە 2 بالانى ەۆاكۋاتسيالادى.

ءورت سوندىرۋشىلەر ءورتتىڭ تارالۋىنا جول بەرمەدى.

ءورتتى جويۋعا بارلىعى 35 ادام جانە 10 تەحنيكا جۇمىلدىرىلدى.

الدىن-الا بولجام بويىنشا ءورتتىڭ سەبەبى - كوكونىستەر مەن جەمىستەرگە ارنالعان ەلەكتر كەپتىرگىش.