جەلىدە الماتىداعى ءىرى جول اپاتىنىڭ ۆيدەوسى تارادى

الماتى. قازاقپارات - الماتىدا جۇك كولىگى جوعارى جىلدامدىقتا جولدىڭ قارسى بەتىنە شىعىپ كەتىپ، بىرنەشە كولىكتى سوققان ءساتىنىڭ ۆيدەوسى ينتەرنەتتە تاراي باستادى.

پوليتسيا تەرگەۋگە كىرىستى، دەپ حابارلايدى قازاقپارات ءتىلشىسى.

جول اپاتى فاكتىسىن بوستاندىق اۋدانى پوليتسيا باسقارماسىنىڭ قىزمەتكەرلەرى تىركەپ، وندىرىسكە الدى. ءتيىستى ساراپتامالار تاعايىندالدى.

«الدىن الا بولجام بويىنشا جول اپاتى كولىكتىڭ تەحنيكالىق اقاۋىنان بولعان. جەكە تاسىمالداۋ قىزمەتىن كورسەتەتىن جۇك كولىگىنىڭ جۇرگىزۋشىسى ك. -نىڭ ايتۋىنشا، جۇك كولىگىنىڭ تەجەگىشى ىستەن شىققان. وبەكتيۆتى ءمان-جايلار انىقتالىپ جاتىر»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتىنەن.

جۇك ماشيناسى 4 جەڭىل كولىكتى سوقتى. مەديتسينالىق كومەككە 6 ادام جۇگىنگەن، ونىڭ ىشىندە اۋىر جۇك كولىگىنىڭ جۇرگىزۋشىسى دە بار.

ەسكە سالساق، 21-تامىز كۇنى الماتىنىڭ ءال-فارابي داڭعىلىندا ءىرى جول اپاتى بولدى.