امانات پارتياسىنىڭ باس حاتشىسى تاعايىندالدى
شولپان كارينوۆا 1972 -جىلى 1-قاڭتاردا دۇنيەگە كەلگەن. ش. ءۋاليحانوۆ اتىنداعى كوكشەتاۋ پەداگوگيكالىق ينستيتۋتىنىڭ تۇلەگى.
2016 -جىلى ومبى مەملەكەتتىك پەداگوگيكالىق ۋنيۆەرسيتەتىن ءتامامداعان.
ەڭبەك جولىن 1994 -جىلى اۋىل مەكتەبىندە ءمۇعالىم بولىپ باستادى.
ءار جىلدارى ءبىلىم بەرۋ ۇيىمدارىندا وقىتۋشىلىق قىزمەتپەن اينالىستى.
1998-2003 -جىلدارى مەكتەپتەردە جانە كوكشەتاۋ مەديتسينالىق كوللەدجىندە پەداگوگيكالىق قىزمەتپەن اينالىستى.
2004-2005 -جىلدارى سولتۇستىك قازاقستان وبلىسى تايىنشا اۋدانىنداعى №5 ورتا مەكتەپتىڭ ديرەكتورى بولدى.
جەرگىلىكتى اتقارۋشى ورگانداردا مول جۇمىس تاجىريبەسى بار.
2005-2012 -جىلدارى تايىنشا اۋدانىندا ءبىلىم ءبولىمىنىڭ باسشىسى، سولتۇستىك قازاقستان وبلىسى ءبىلىم باسقارماسى باسشىسىنىڭ ورىنباسارى قىزمەتتەرىن اتقاردى.
2012-2013 -جىلدارى پەتروپاۆل قالاسى اكىمىنىڭ الەۋمەتتىك سالا بويىنشا ورىنباسارى بولدى.
2013-2017 -جىلدارى - سولتۇستىك قازاقستان وبلىسى ءبىلىم باسقارماسىنىڭ باسشىسى.
شولپان كارينوۆانىڭ ورتالىق مەملەكەتتىك ورگانداردا دا جۇمىس تاجىريبەسى بار.
2017-2018 -جىلدارى – ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى.
2019-2022 -جىلدارى – ق ر ءبىلىم جانە عىلىم ۆيتسە- ءمينيسترى.
2022 -جىلعى شىلدەدەن 2023 -جىلعى ماۋسىمعا دەيىن قازاقستان رەسپۋبليكاسى وقۋ- اعارتۋ ءبىرىنشى ۆيتسە- ءمينيسترى قىزمەتىن اتقاردى.
