22:21, 21 - تامىز 2023 | GMT +6
مۇحاممەد ءجاميل ءال راماحي «سامۇرىق- قازىنا» قورىنىڭ تاۋەلسىز ديرەكتورى بولىپ سايلاندى
استانا. قازاقپارات - پرەمەر- مينيستر ءاليحان سمايىلوۆ «سامۇرىق- قازىنا» ۇلتتىق ءال- اۋقات قورى اق ديرەكتورلار كەڭەسىنىڭ كەيبىر ماسەلەلەرى تۋرالى» ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.
قۇجاتتا جازىلعانداي، وسىعان دەيىن قوردىڭ تاۋەلسىز ديرەكتورى لاۋازىمىندا بولعان دجون دۋداستىڭ وكىلەتتىگى مەرزىمىنە جەتپەي اياقتالدى.
«تاۋەلسىز ديرەكتور دجون دۋداستىڭ وكىلەتتىگى مەرزىمىنەن بۇرىن توقتاتىلسىن. مۇحاممەد ءجاميل ءال راماحي «سامۇرىق- قازىنا» ۇلتتىق ءال- اۋقات قورى» اكتسيونەرلىك قوعامىنىڭ ديرەكتورلار كەڭەسىنىڭ مۇشەسى، تاۋەلسىز ديرەكتورى بولىپ سايلانسىن»، - دەلىنگەن ءاليحان سمايىلوۆ قول قويعان ۇكىمەت قاۋلىسىندا.
قاۋلى العاش جاريالانعان كۇننەن، ياعني 17-تامىزدان باستاپ قولدانىسقا ەنگىزىلدى.
قوسا كەتسەك، تاياۋدا سالتانات ءساتجان «سامۇرىق- قازىنا» ا ق باسقارۋشى ديرەكتورى بولىپ تاعايىندالدى.
