پرەزيدەنت ۆەتنام كوممۋنيستىك پارتياسى ورتالىق كوميتەتىنىڭ باس حاتشىسىمەن كەزدەستى
اڭگىمەلەسۋ بارىسىندا قازاق- ۆەتنام كۇن تارتىبىندەگى وزەكتى ماسەلەلەر قاراستىرىلدى.
مەملەكەت باسشىسىنىڭ ايتۋىنشا، قازاق حالقى ۆەتنام حالقى مەن ەلدىڭ جەتىستىكتەرىنە زور قۇرمەتپەن قارايدى. سونداي- اق قاسىم- جومارت توقايەۆ ءوز ساپارىنىڭ نەگىزگى ماقساتتارىنىڭ ءبىرى بارلىق سالاداعى ىنتىماقتاستىققا، سونىڭ ىشىندە ەكونوميكالىق قاتىناستارعا تىڭ سەرپىن بەرۋ ەكەنىن جەتكىزدى.
پرەزيدەنت ەكى ەلدىڭ كوپجاقتى بايلانىستارىن نىعايتۋ ءۇشىن بىرلەسكەن جۇمىستاردى بەلسەندى جۇرگىزۋگە دايىن ەكەنىنە توقتالدى. سونىمەن قاتار قازاقستاندا جۇرگىزىلىپ جاتقان اۋقىمدى ساياسي جانە ەكونوميكالىق وزگەرىستەر تۋرالى ايتتى.
ءوز كەزەگىندە ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى نگۋەن فۋ چونگ قازاقستان مەن ۆەتنام اراسىندا بەرىك دوستىق پەن ورتاق قۇندىلىقتارعا نەگىزدەلگەن تىعىز ءارى ۇيلەسىمدى قاتىناس ورناعانىن اتاپ ءوتتى. سونداي- اق ۆەتنام حالقى جانە جەكە ءوزى قازاقستان مەن ونىڭ حالقىنا ءاردايىم ەرەكشە قۇرمەتپەن قارايتىنىن جەتكىزدى.
