مەملەكەتتىك كەڭەسشى ەۋروپارلامەنت دەپۋتاتتارىمەن كەزدەستى

None
Фото: akorda.kz
استانا. قازاقپارات - مەملەكەتتىك كەڭەسشى ەرلان قارين ەۋروپا پارلامەنتىنىڭ شەتەل ىستەرى جونىندەگى كوميتەتىنىڭ ءتوراعاسى دەۆيد ماكالليستەر باستاعان دەلەگاتسيامەن كەزدەستى، دەپ حابارلايدى اقوردا.

كەزدەسۋدە تاراپتار قازاقستان مەن ەۋروپالىق وداق اراسىنداعى كەڭ كولەمدەگى ارىپتەستىك جانە ىنتىماقتاستىقتىڭ قازىرگى احۋالى مەن پەرسپەكتيۆاسىنا، سونداي-اق پارلامەنتارالىق قاتىناستارعا وڭ باعاسىن بەردى.

ەرلان قارين ەۋروپالىق دەپۋتاتتارعا پرەزيدەنت قاسىم-جومارت توقايەۆتىڭ باسشىلىعىمەن ەلىمىزدە سوڭعى جىلدارى جۇزەگە اسقان رەفورمالار تۋرالى ەگجەي-تەگجەيلى ايتتى.

ءوز كەزەگىندە ەۋروپارلامەنت وكىلدەرى قازاقستاندا ىسكە اسىپ جاتقان ينستيتۋتسيونالدىق رەفورمالاردىڭ دەموكراتيا قاعيداتتارىن نىعايتۋعا، زاڭنىڭ ۇستەمدىك قۇرۋىن قامتاماسىز ەتۋگە جانە ادام قۇقىعىن ساقتاۋعا باعىتتالعانىن اتاپ ءوتتى.

سونىمەن قاتار تاراپتار ءبىرقاتار حالىقارالىق جانە وڭىرلىك ماسەلەلەر توڭىرەگىندە پىكىر الماستى.

سوڭعى جاڭالىقتار