قازاقستاندا توعىزقۇمالاقتان الەم چەمپيوناتى وتەدى
وعان الەمنىڭ 20 ەلىنەن كەلگەن سپورتشىلار راپيد جانە بليتس تۇرلەرى بويىنشا سايىسقا تۇسەدى. بۇل تۋرالى مادەنيەت جانە سپورت ۆيتسە-ءمينيسترى سارسەن قۇرانبەك ايتتى، دەپ حابارلايدى El.kz اقپارات اگەنتتىگى.
بىلتىردان باستاپ رەسپۋبليكالىق توعىزقۇمالاق فەدەراتسياسىنىڭ شەشىمىمەن جىل سايىن 9- قىركۇيەك كۇنى «توعىزقۇمالاق كۇنى» دەپ بەلگىلەنگەن. وسىعان وراي بيىل 9- قىركۇيەكتە ۇلتتىق ويىن قازاقستاننىڭ رەكوردتار گيننەس كىتابىنا ەنۋ بويىنشا الماتى قالاسىندا اۋقىمدى ءىس-شارا وتكىزەمىز، - دەدى ول.
بۇل ءىس-شارادا الماتى قالاسىنىڭ 2500-3000 عا جۋىق جوعارى سىنىپ وقۋشىسى ءبىر مەزەتتە توعىزقۇمالاق جارىسىنا قاتىساتىن بولادى. بىرىنشىلىك اشىق اسپان استىندا تۇڭعىش پرەزيدەنت پاركىندە وتەدى.
جاقىندا رەسپۋبليكالىق جانە حالىقارالىق توعىزقۇمالاق فەدەراتسياسى ەلىمىزدىڭ 20 ايماقتىق فەدەراتسياسىنىڭ شەشىمىنە سايكەس الماتى قالاسى توعىزقۇمالاق استاناسى اتاندى، - دەدى ول.
