ورالدا ماس ايەل كولىكتەردى جۇرگىزبەي جول بويىنا جاتىپ العان - ۆيدەو

استانا. قازاقپارات - جەلىدە جول بويىندا جاتقان ايەلدىڭ ۆيدەوسى تارادى، - دەپ حابارلايدى «موي گورود» باسىلىمى.

الەۋمەتتىك جەلىدە ورالدا ادام كوپ جۇرەتىن كوشەلەرىنىڭ بىرىندە جەردە جاتقان ايەل بەينەلەنگەن ۆيدەو جاريالاندى. ۆيدەودا ايەل جولدا جاتىپ، كولىك قوزعالىسىنا كەدەرگى كەلتىرگەنى كورىنەدى. جۇرگىزۋشىلەر مەن ءوتىپ بارا جاتقان ادامدار ونى بىرنەشە رەت قاۋىپسىز جەرگە اپارعانىمەن، ول قايتادان جول بويىنا بارىپ جاتىپ العان. كۋاگەرلەر پوليتسيا شاقىرۋعا ءماجبۇر بولدى.

ب ق و پوليتسيا دەپارتامەنتىنىڭ باسپا ءسوز قىزمەتى وكىلدەرىنىڭ مالىمەتىنشە، وقيعا 20- تامىزدا قۇرمانعازى مەن مولداعۇلوۆا كوشەلەرىنىڭ قيىلىسىندا بولعان. 43 جاستاعى ايەل قوعامدىق ءتارتىپتى بۇزدى. ول ماس كۇيدە بولعان. ءتارتىپ ساقشىلارى ونى ىشىمدىك ىشكەنى مەن قوعامدىق ورىندارعا ماس كۇيىندە شىققانى ءۇشىن ۇستاپ، اكىمشىلىك حاتتاما تولتىردى.

ايەل ورالداعى ۋاقىتشا بەيىمدەۋ جانە دەتوكسيكاتسيا ورتالىعىنا ورنالاستىرىلدى.