سەگىز جىل بويى جالاڭاياق جۇرگەن ادامنىڭ قازىر دەنساۋلىعى قالاي؟
بەننىڭ ايتۋىنشا، ول اياق كيىمىنىڭ جوقتىعىنا ۇيرەنىپ قالعان. ول ىستىقتا دا، ايازدا دا اياق كيىمسىز جۇرە بەرە الادى، وعان ءتىپتى شۇلىق قاجەت ەمەس.
ول بىرنەشە رەت اياعىن اينەكپەن كەسىپ، تەرىسىن كۇيدىرىپ تە العان. باستاپقىدا بۇل جاعىمسىزدىق سىيلاعان، ءبىراق قازىر ونىڭ تەرىسىنىڭ قاتايىپ كەتكەنى سونشالىق، ول ەتىكپەن جۇرگەندەي ەشتەڭە سەزبەيدى.
ول سونداي-اق قوعامدىق ورىنداردا اياق كيىم كيمەيدى. كەيدە بىرەۋ ونىڭ اياعىن باسىپ كەتەدى، سول كەزدە اۋىرادى، ءبىراق ءبىر مينۋتتان كەيىن كەز-كەلگەن ىڭعايسىزدىق كەتەدى.
بەننىڭ ايتۋىنشا، بۇل تاجىريبە وعان تەك پايدا اكەلدى.
بىرىنشىدەن، ونىڭ اياعى كۇشتى بولا ءتۇستى. بۇلشىقەتتەر قاتايدى، ەندى ول الدەقايدا ۇزاق جۇرە الادى جانە مۇلدەم شارشامايدى.
ەكىنشىدەن، ونىڭ اياعى جالپاق بولا ءتۇستى.
ۇشىنشىدەن، ونىڭ اياعى قازىر تەرلەمەيدى. جازدا ىستىقتا جۇرگەندە دە، ەر ادام جابىسقاقتىق نەمەسە ىلعالدىلىق سەكىلدى جاعىمسىز سەزىمدەرمەن قينالمايدى.
ونىڭ تاعى ءبىر ارتىقشىلىعى: ول بۋىندار اۋىرۋىن ۇمىتتى.
بەن بۇرىن اياق اۋىرۋىمەن قينالعان، ول اسىرەسە ۇزاق جۇمىس كۇنىنەن نەمەسە ۇزاق سەرۋەندەۋدەن كەيىن مازالايتىن بولعان.
بارىنەن بۇرىن بەن دوننەللي جىلى جاڭبىردان كەيىن تروتۋاردا جالاڭاياق ءجۇرۋدى ۇناتادى.
كىمدەرگە جالاڭاياق جۇرۋگە بولمايدى؟
سوڭعى جىلدارى جالاڭاياق ءجۇرۋ الەم بويىنشا تانىمالدىلىققا يە. مەديتسينالىق تۇرعىدان العاندا، مۇنداي ءجۇرۋدىڭ باستى ارتىقشىلىعى - مايتاباندىلىقتىڭ الدىن الۋ.
«ءبىز جەردە جالاڭاياق جۇرگەندە، اياق كيىممەن جۇرگەندە قيمىلدامايتىن بۇلشىقەتتەر جۇمىس ىستەي باستايدى. بۇل توبىقتاعى بۇلشىقەتتەردى، بايلامداردى جانە بۋىنداردى نىعايتادى جانە تابيعي اياق ماسساجىنىڭ اسەرىن بەرەدى»، - دەيدى تراۆماتولوگ انۆار گينياتوۆ doctorpiter پورتالىنا.
الايدا، جالاڭاياق جۇرۋگە قارسىكورسەتىلىم بار. مىسالى، قانت ديابەتى اسقىنعان ادامداردا تەرىنىڭ كەز- كەلگەن زاقىمدانۋى گانگرەنانىڭ دامۋىنا سەبەپ بولۋى مۇمكىن. بۇيرەك اۋرۋلارى مەن ريەۆماتيزمى بار ناۋقاستارعا سۋىق جەردە سەرۋەندەۋگە بولمايدى: تەمپەراتۋرانىڭ وزگەرۋى اۋرۋدىڭ ورشۋىنە اكەلۋى مۇمكىن.
اقپارات دەرەككوزى: https://massaget.kz/basty-zhaalytar-438/89119/؟ utm_source=smi24
