قاراعاندى قالاسىنا كەلەتىن شەتەلدىكتەردەن قانشا تۋريستىك جارنا الىنادى

استانا. قازاقپارات - قاراعاندى قالالىق ءماسليحاتى شاھارعا ساپارلاپ كەلەتىن شەتەلدىكتەردەن الىناتىن تۋريستىك جارنا مولشەرىن بەكىتۋدى ۇسىندى، دەپ حابارلايدى قازاقپارات ءتىلشىسى.

«قاراعاندى قالاسىندا شەتەلدىكتەر ءۇشىن تۋريستەردى ورنالاستىرۋ ورىندارىندا (حوستەلدەردى، قوناقجايلاردى، جالعا بەرىلەتىن تۇرعىن ۇيلەردى قوسپاعاندا) بولعان ءاربىر تاۋلىك ءۇشىن 0,5 ايلىق ەسەپتىك كورسەتكىش (1725 تەڭگە) مولشەرىندە بەكىتىلسىن. وسى شەشىم العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى»، - دەلىنگەن اشىق ن ق ا پورتالىندا جاريالانعان قاراعاندى قالالىق ءماسليحاتىنىڭ شەشىم- جوباسىندا.

قۇجات 4 قىركۇيەككە دەيىن كوپشىلىك تالقىلاۋدا بولادى. كەيىن ماسليحات ءتوراعاسى قول قويعان سوڭ 10 كۇن ءوتىپ بارىپ، زاڭدى كۇشىنە ەنەدى.

قوسا كەتسەك، تاياۋدا الماتى قالاسىندا دا شەتەلدىكتەر ءۇشىن جاڭا تۋريستىك تولەم مولولشەرىن بەلگىلەۋدى ۇسىنعان بولاتىن.