كۆاستىڭ ادام اعزاسىنا پايداسى مەن زيانى
بۇل تۋرالى مەديتسينا عىلىمدارىنىڭ دوكتورى، ديەتولوگ ميحايل گينزبۋرگ ايتتى، دەپ حابارلايدى ۆەچەرنيايا موسكۆا باسىلىمى.
«كۆاستى دايىنداۋدىڭ ەجەلگى ادىستەرى قازىرگىدەن وزگەشە بولعان. بۇرىن بۇل الكوگولدىك سۋسىن بولعان، ورىس تىلىندە «ناكۆاسيل» ءسوزى بولۋى كەزدەيسوق ەمەس. قازىر بۇل ونىمدە ەتيل سپيرتى جوق، ءبىراق ونىڭ قۇرامىنا كوبىنەسە قانتتىڭ شامادان تىس مولشەرى كىرەدى»، دەپ اتاپ ءوتتى ديەتولوگ.
«كۆاس قازىر قانتتىڭ ارتىق مولشەرىمەن ءجيى دايىندالادى. وسى جەردەن ارتىق سالماق قوسۋ جانە قانت ديابەتىنىڭ دامۋ قاۋپى بار» - دەپ ەسكەرتتى گينسبۋرگ Sputnik راديوسىنا بەرگەن سۇحباتىندا. سەمىز نەمەسە قانت ديابەتىمەن اۋىراتىن ادامدار ءتاتتى كۆاسقا اباي بولۋى كەرەك.
دارىگەر ءتىپتى ساۋ ادامنىڭ وزىنە نورما بويىنشا كۆاستى كۇنىنە ءبىر اق رەت تاماقتان كەيىن ءىشۋ ابزال ەكەنىن ايتتى. اسقازان اۋرۋلارى بار بولسا، كۆاستى ىشۋدەن باس تارتۋ كەرەك. دەگەنمەن، بۇل سۋسىندا پايدالى كومپونەنتتەر دە بار، مىسالى، لاكتو جانە بيفيدوباكتەريالار.
كۆاس قارا بيداي مەن ارپا ۋىتىنان وندىرىلەتىن، اعزاداعى پروتسەستەردى رەتكە كەلتىرۋشى سۋسىن. كۆاس ۇيىعان ءسۇت ونىمدەرى سياقتى اس قورىتۋ جۇيەسىن رەتتەپ، زيان جانە اۋرۋ تۋعىزاتىن ميكروبتاردىڭ پايدا بولماۋىن قاداعالايدى. ادامنىڭ كوڭىل-كۇيىنە جاعىمدى اسەر ەتەدى جانە زات الماسۋ، جۇرەك-قانتامىرلارى جۇيەسىنىڭ جۇمىسىن جاقسارتادى. سۋسىننىڭ ايتارلىقتاي ادام اعزاسىنا زيانى بولماعانىمەن، قالىپتى مولشەردە ءىشۋ كەرەك.
