08:37, 21 - تامىز 2023 | GMT +6
ماڭعىستاۋ وبلىسىندا نوسەر جاۋىن: اۋىلداردى سۋ باسىپ، سپورت زال شاتىرى ءبۇلىندى
اقتاۋ. قازاقپارات - الەۋمەتتىك جەلىلەر مەن مەسسەندجەرلەردە ماڭعىستاۋ وبلىسىنىڭ ءار اۋماعىندا تۇسىرىلگەن ۆيدەولار تاراپ جاتىر، كادرلاردان نوسەر جاڭبىردىڭ سالدارىن كورۋگە بولادى.
قازاقپارات بۇل تۋرالى inaktau.kz-كە سىلتەمە جاساپ حابارلايدى.
ماسەلەن، جاڭاوزەندەگى دەنە شىنىقتىرۋ-ساۋىقتىرۋ كەشەنى جاڭبىر سۋىنا توتەپ بەرە الماعان. سپورت زالدىڭ شاتىرىنان سۋ سورعالاپ تۇر.
كوشەلەر مەن جولداردا جينالعان سۋدان ءجۇرۋ مۇمكىن ەمەس.
جاڭاوزەن قالاسىنىڭ اكىمدىگىنەن ءمالىم ەتكەندەي، راحات جانە تەڭگە اۋىلدارىن سۋ باسقان.
قازىرگى ۋاقىتتا كوممۋنالدىق قىزمەتتەر سۋدى سورۋ جۇمىستارىن جۇرگىزىپ جاتىر. جاعدايعا بايلانىستى جۇمىستى كەزەكشىلىكپەن جانە تۇنگى ۋاقىتتا جالعاستىرۋ جوسپارلانىپ وتىر.
