قازاقستان شاحتاسىندا بەسىنشى كەنشىنىڭ دەنەسى تابىلدى

قاراعاندى. قازاقپارات - «قازاقستان» شاحتاسىندا بەسىنشى كەنشىنىڭ دەنەسى تابىلدى، دەپ حابارلايدى قازاقپارات قاراعاندى قالاسى اكىمدىگىنىڭ سايتىنا سىلتەمە جاساپ.

قازا تاپقان كەنشىلەردىڭ اتى- ءجونى:

1. ستەشين دەنيس گەنناديەۆيچ، 1978 -جىلى تۋعان، 4-رازريادتى جەراستى ۇڭگۋشىسى، ەڭبەك ءوتىلى 21 جىل؛

2. حاليكوۆ ارتۋر ريناتوۆيچ، 1994 -جىلى تۋعان، 4-رازريادتى جەراستى ەلەكترشەبەرى، ەڭبەك ءوتىلى 10 جىل؛

3. بۋرگۋن ۆيكتور سەرگەيەۆيچ، 1966 -جىلى تۋعان، 5-رازريادتى جەراستى ەلەكترشەبەرى، ەڭبەك ءوتىلى 39 جىل؛

4. سليۋنكوۆ ۆيتالي ۆلاديميروۆيچ، 1965 -جىلى تۋعان، 5-رازريادتى جەراستى ەلەكترشەبەرى، ەڭبەك ءوتىلى 39 جىل؛

5. ستاروۆويت يليا الەكساندروۆيچ، 1996 -جىلى تۋعان، 3-رازريادتى جەراستى ەلەكترشەبەرى، ەڭبەك ءوتىلى 4 جىل.

«17-تامىزدا كومىر دەپارتامەنتىنىڭ «قازاقستان» شاحتاسىندا ءورت بولىپ، سالدارىنان 5 ارىپتەسىمىزدىڭ قازا تاپقانىن قايعىرا حابارلايمىز»، - دەلىنگەن «ارسەلورميتتال تەمىرتاۋ» ا ق- نىڭ سايتىندا.

ەسكە سالايىق، قاراعاندى وبلىسىنداعى «قازاقستان» شاحتاسىندا ءورت 17-تامىز كۇنى ساعات 10:05تە تۇتاندى.

اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.

5 جۇمىسشىنىڭ تاعدىرى بەلگىسىز بولدى. ىزدەستىرۋ جۇمىستارىنىڭ ناتيجەسىندە 4 ادامنىڭ دەنەسى تابىلعان ەدى.

18-تامىزداعى جاعداي بويىنشا مەديتسينا مەكەمەلەرىندە ورتتەن زارداپ شەككەن 11 كەنشى ەم قابىلداپ جاتتى.

ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ءمالىم ەتكەندەي، «قازاقستان» شاحتاسىنداعى اپات ءۇشىن جاۋاپتى تۇلعا 7 جىلعا دەيىن تۇرمەگە قامالۋى مۇمكىن.

پرەزيدەنت قاسىم- جومارت توقايەۆ ءورت سەبەبىن انىقتاۋ ءۇشىن جان- جاقتى تەرگەۋ جۇرگىزۋدى تاپسىردى.