مەملەكەت باسشىسى سەل تاسقىنىنان قورعايتىن «ايۋساي» بوگەتىنە باردى

None
Фото: t.me/aqorda_resmi
استانا. قازاقپارات - پرەزيدەنت قاسىم-جومارت توقايەۆتىڭ الماتى قالاسىنا جۇمىس ساپارى بيىل 1-ماۋسىمدا پايدالانۋعا بەرىلگەن سەل تاسقىنىنان قورعايتىن بوگەتپەن تانىسۋدان باستالدى، دەپ حابارلايدى قازاقپارات اقورداعا سىلتەمە جاساپ.

«ايۋساي» بوگەتى ۇلكەن الماتى وزەنىنىڭ باسسەينىندە ورنالاسقان. ونىڭ جوعارى جاعىندا سەل قاۋپى بار 98 ۋچاسكە، 89 مۇزدىق، 20 مورەنالىق جانە مۇزدى كول بار. بوگەت سەل ءجۇرۋ قاۋپىن بارىنشا ازايتىپ، 500 مىڭنان استام حالىق پەن 2 مىڭعا جۋىق نىساننىڭ تابيعات اپاتىنان قورعالۋىن قامتاماسىز ەتەدى.

ەلىمىزدىڭ بيىك تاۋلى ايماقتارىندا 970 مورەنالىق كول بار. ونىڭ ىشىندە 156 كولدە سەل ءجۇرۋ قاۋپى جوعارى.

مەملەكەت باسشىسى قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن سەلدەن قورعاۋ شارالارىن جۇرگىزۋ ماڭىزدى ەكەنىن اتاپ ءوتتى. بۇل رەتتە پرەزيدەنت توتەنشە جاعدايلار مينيسترلىگى، الماتى قالاسى اكىمدىگى جانە «قازسەلدەنقورعاۋ» مەكەمەسى ءوزارا تىعىز قارىم-قاتىناستا جۇمىس ىستەۋى قاجەت ەكەنىن ايتتى.


سوڭعى جاڭالىقتار