14:06, 18 - تامىز 2023 | GMT +6
التاي قالاسىندا جوندەلىپ جاتقان لەنين ەسكەرتكىشى قيراپ قالدى
وسكەمەن. قازاقپارات - شىعىس قازاقستان وبلىسىنىڭ التاي قالاسىندا جوندەلىپ جاتقان لەنين ەسكەرتكىشى قيراپ قالدى، دەپ حابارلايدى قازاقپارات ءتىلشىسى.
التاي قالاسىنىڭ ورتالىعىندا ورنالاسقان لەنيننىڭ ەسكەرتكىشىن جوندەۋگە اۋدان اكىمدىگىنەن قاراجات بولىنگەن. 15-تامىز كۇنى جوندەۋ جۇمىستارىن جۇرگىزىپ جاتقان مەردىگەر كومپانيانىڭ جۇك تيەگىش كولىگى ەسكەرتكىشتى قۇلاتىپ، قيراتىپ العان.
اۋدان اكىمدىگىنىڭ مالىمەتىنە سۇيەنسەك، قازىرگى ۋاقىتتا وسىعان وراي تەكسەرۋ جۇمىستارى جۇرگىزىلىپ جاتىر.
«ەسكەرتكىشتىڭ جوندەۋ جۇمىستارى كەزىندە قۇلاپ كەتۋىنە بايلانىستى قۇقىق قورعاۋ ورگاندارى تەكسەرۋ جۇرگىزۋدە. وقيعانىڭ بارلىق ءمان-جايى سودان كەيىن بەلگىلى بولماق»، - دەپ قىسقا قايىردى اكىمدىكتەن.
الەۋمەتتىك جەلىدە جوندەۋ جۇمىستارىن جۇرگىزىپ جاتقان مەردىگەر كومپانيا وكىلىنىڭ ۆيدەوسى تارادى. وندا ول ەسكەركىشتى ءوز قاراجاتتارىنا قالىپقا كەلتىرەتىندىگىن جەتكىزگەن.
