سۋديا جەڭىل جازا تاعايىنداعانى ءۇشىن سوتتالۋشىدان پارا الدى دەگەن كۇدىككە ءىلىندى

None
استانا. قازاقپارات - انتيكوررۋپتسيالىق قىزمەت قازاقستان سوت اكىمشىلىگىنىڭ قاۋىپسىزدىك بولىمىمەن بىرلەسىپ جاسىرىن ءىس-شارالاردىڭ ناتيجەسىندە تاراز قالاسىنىڭ №2-سوتىنىڭ سۋدياسى 2000000 تەڭگە سوماسىندا پارا العانى تۋرالى اشكەرەلەندى، دەپ حابارلادى قازاقپارات.

انتيكوردىڭ مالىمەتىنشە، سۋديا سوتتالۋشىدان ءىس جۇرگىزۋدە قىلمىستىق ءىس بويىنشا باس بوستاندىعىنان ايىرۋعا بايلانىستى ەمەس جازا تاعايىنداعانى ءۇشىن اقشالاي قاراجات الدى دەگەن كۇدىككە ءىلىندى.

قىلمىستىق-پروتسەستىك كودەكستىڭ 550-بابىنىڭ تارتىبىمەن قازاقستان رەسپۋبليكاسىنىڭ باس پروكۋرورى سوتقا دەيىنگى تەرگەپ- تەكسەرۋدى جالعاستىرۋعا كەلىسىم بەردى.

«قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن حابارلامادا.

سوڭعى جاڭالىقتار