اقمولالىق كيبەرپول وكىلدەرى الاياقتاردى ىزدەۋ بارىسىندا رەسەيدەن ارنايى جىبەرىلگەن ادامدى ۇستادى
الدىن الا اقپارات بويىنشا كۇدىكتىنىڭ ەلىمىز بويىنشا 25 ينتەرنەت- الاياقتىق ارەكەتكە قاتىسى بار. ال كەلتىرىلگەن شىعىن 104 ميلليون تەڭگەنى قۇراپ وتىر.
بيىلعى شىلدە ايىندا كوكشەتاۋ تۇرعىنى دا الاياقتىقتىڭ قۇربانىنا اينالعان. ەكى كۇن بويى ءوتىنىش بەرۋشىنىڭ تەلەفونىنا WhatsApp مەسسەندجەرى ارقىلى بەلگىسىز ابونەنتتىك نومىرلەردەن قوڭىراۋلار تۇسكەن. الاياقتار 64 جاستاعى اقمولالىق تۇرعىنعا وزدەرىن Kaspi بانك قىزمەتكەرلەرى رەتىندە تانىستىرعان. ولار بانكتىك شوتتار تۋرالى اقپاراتتى ءبىلىپ العان بىرەۋلەردىڭ ونىڭ شوتىن بۇزۋعا تىرىسىپ جاتقانىنا سەندىرگەن. وسىلايشا، قىلمىسكەرلەر زاڭسىز بانكتىك وپەراتسيالار جاساۋ ءۇشىن قاجەتتى اقپاراتتى العان.
كەلەسى كۇنى ءوتىنىش بەرۋشىگە ونىڭ بانكتىك شوتىن بۇعاتتاۋ تۋرالى حابارلاما كەلىپ تۇسكەن، ال موبيلدى قوسىمشانى تەكسەرۋ كەزىندە اقمولالىق Halyk banke-دەگى دەپوزيتتىك جانە كارتوچكالىق شوتتان 11,8 ميلليون تەڭگە الىنعانىن جانە Kaspi بانك شوتىنان 435 مىڭ تەڭگە ءىز- ءتۇسسىز «جوعالىپ كەتكەنى» انىقتالدى.
جابىرلەنۋشىنىڭ ايعاقتارى بويىنشا ول ەشكىمگە ەشقانداي حابارلاما، كود نەمەسە جەكە مالىمەتتەر بەرمەگەن جانە ولاردىڭ نۇسقاۋلارىن ورىنداماعان.
اقمولا كيبەرپوليتسياسى قىلمىستىق ءىستى تەرگەۋ كەزىندە ۇرلانعان ميلليوندار اۋدارىلعان شوتتاردىڭ ءبىرىنىڭ يەسىنىڭ كىم ەكەنىن جانە ونىڭ ورنالاسقان جەرىن انىقتاي الدى.
جۇرگىزىلگەن جەدەل- ىزدەستىرۋ جانە تەرگەۋ ءىس- شارالارىنىڭ ناتيجەسىندە ورالدىق ارىپتەستەرىنىڭ كومەگىمەن 24 جاستاعى دروپپەر ۇستالدى.
بەلگىلى بولعانداي، ول ۇرلانعان اقشانى قىلمىستىق جەلىنىڭ باسقا مۇشەلەرىنە قولما- قول اقشا بەرۋ جانە اۋدارۋ ءۇشىن قازاقستانعا رەسەيدەن ارنايى كەلگەن.
قازىرگى ۋاقىتتا وسى فاكتىگە قاتىستى ق ر ق ك- ءنىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋ جۇرگىزىلىپ جاتىر. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى.
