بيىل ەلىمىزدە قانشا مەكتەپ پايدالانۋعا بەرىلدى

None
استانا. قازاقپارات - 2023 -جىلعى قاڭتار- شىلدە ارالىعىندا 13589 ورىنعا ارنالعان جالپى ءبىلىم بەرەتىن 24 مەكتەپ، سونداي- اق 1458 ورىنعا ەسەپتەلەگەن مەكتەپكە دەيىنگى 19 ۇيىم پايدالانۋعا بەرىلدى.

بۇل تۋرالى قازاقپارات ق ر ۇلتتىق ستاتيستيكا بيۋروسىنا سىلتەمە جاساپ حابارلايدى.

بيۋرو مالىمەتتەرىنە قاراعاندا، پايدالانۋعا بەرىلگەن مەكتەپتەردىڭ ىشىندە 12 مەكتەپ پەن مەكتەپكە دەيىنگى 14 مەكەمە اۋىلدى جەرلەردە ورنالاسقان.

ايتا كەتۋ كەرەك، 6 مەكتەپ مەملەكەتتىك كاسىپورىندار مەن ۇيىمدار ەسەبىنەن، قالعان 18 ءى جەكەمەنشىك كاسىپورىندار تاراپىنان پايدالانۋعا بەرىلگەن.

جوعارىدا اتالعان ۋاقىت ارالىعىندا پايدالانۋعا بەرىلگەن جالپى ءبىلىم بەرەتىن مەكتەپتەردىڭ كوپشىلىگى تۇركىستان وبلىسىندا – 11، جەتىسۋ وبلىسىندا – 3، اتىراۋ جانە جامبىل وبلىستارى مەن الماتى جانە شىمكەنت قالالارىندا 2 مەكتەپتەن. استانا قالاسى جانە اقتوبە وبلىسىندا ءبىر- بىردەن.

سالىستىرىپ وتسەك، بىلتىرعى العاشقى جەتى اي ىشىندە 3000 ورىندىق جالپى ءبىلىم بەرەتىن 13 مەكتەپ پەن 1600 ورىندىق مەكتەپكە دەيىنگى 13 مەكەمە پايدالانۋعا بەرىلگەن.


سوڭعى جاڭالىقتار