قاي جۇلدىزناما بەلگىسى ءجيى باستىق بولادى؟

استانا. قازاقپارات -كەي ادامدار تۋا بىتكەن ليدەرلەر. ليدەرلىك قاسيەتتى جيى قيىن جاعدايدان شىعا الۋمەن، ناقتى ساتتە دۇرىس شەشىم قابىلداۋمەن جانە داعدارىس كەزىندە ەموتسياعا بەرىلمەي، اناليز جاساۋمەن بايلانىستىرادى.

جۇلدىز بەلگىسى بويىنشا، كىمدەر ءجيى باستىق بولادى؟

تاۋەشكى

تاۋەشكىلەر وتە ەڭبەكقور. تاۋەشكىلەر مانساپ بويىنشا جىلدام كوتەرىلەدى، ولار جولىنداعى كەدەرگىلەردىڭ ءبارىن جەڭەدى جانە كەيدە ولاردى ءوز پايداسىنا قولدانادى. ولار ءتارتىپتى قاتاڭ ساقتايدى، ۇيرەنۋگە ءارقاشان دايىن، اقىل-ويدى جوعارى كۇش سانايدى جانە سىندى كوتەرە الادى.

تاۋەشكىلەر سالماقتى، كەيدە قالجىڭدى كوتەرە الماۋى جانە ارمانداي الماۋى مۇمكىن. تاۋەشكىلەر سيرەك دەمالادى. ولار جۇمىستان قورىقپايدى جانە جۇمىس ءۇشىن سەزىمدەردى ىسىرىپ قويۋعا دايىن.

ارىستان

ارىستاندار ومىردەن ءلاززات الا الادى، وزىنە نازار اۋدارتقاندى جاقسى كورەدى، ءوزىن كورسەتە الادى، سوندىقتان دا ادامدار ونىڭ ارتىنان «ەرۋگە» دايىن. وعان قوسا، ول قول استىنداعى ادامدارعا جومارت. ارىستاندار تاپقىر، شەشىم قابىلداي بىلەدى، ەركىندىكتى جاقسى كورەدى جانە جاقسى ۇيىمداستىرۋشىلىق قابىلەتكە يە. الايدا كوپشىلىك ارىستاندار كەشىگىپ جۇرەدى، سىندى كوتەرە المايدى، كەيدە جالقاۋلىققا بوي بەرەدى جانە رەنجىگىش كەلەدى.

توقتى

توقتىلاردا ەنەرگيا كوپ. ولار بەلسەندى، جۇمىستى بار ىنتامەن جاسايدى جانە وتە جاقسى ناتيجەلەرگە جەتەدى. ءبىراق توقتىلار كەڭسەدە وتىرا المايدى. بۇل جۇلدىز بەلگىسى قوزعالىستى جاقسى كورەدى. توقتىلاردىڭ كەيدە ءوز ويلارى مەن ماقساتتارىنا بەرىلىپ كەتەتىنى سونشالىق، ءتىپتى باسقالاردىڭ سەزىمدەرىمەن جانە قىزىعۋشىلىقتارىمەن جانجالداسۋعا دايىن تۇرادى. توقتىلار باستىق ورنىنا دەيىن جىلدام كوتەرىلەدى.

سۋقۇيعىش

سۋقۇيعىشتار شىعارماشىل جاندار. ولار قىزمەتكەرلەرىنىڭ شىعارماشىلىق يدەيالارىن قابىلداپ قانا قويماي، ءاردايىم ولارعا قول ۇشىن سوزۋعا دايىن. كوماندادا جاقسى جۇمىس ىستەيدى. سۋقۇيعىشتار تاۋەلسىزدىكتى باعالايدى. تەك ءوزىنىڭ ەركىندىگىن ەمەس، قىزمەتكەرلەرىنىڭ دە ەركىن بولعانىن قالايدى. ول بۇل ولاردىڭ ءونىمدى جۇمىس جاساۋلارىنا ىقپال ەتەتىنىنە سەنەدى.