ق ر ۇلتتىق ەكونوميكا مينيسترلىگى ا ق ش تاراپىنان سانكسيا سالىنعان كومپانياعا قاتىستى پىكىر ءبىلدىردى
ق ر ۇلتتىق ەكونوميكا مينيسترلىگى باسپا ءسوز قىزمەتىنىڭ حابارلاۋىنشا، كاسىپورىن استانادا تىركەلگەن. بۇگىندە ول بەلسەندى ەمەس. ق ر قارجى مينيسترلىگىنىڭ اقپاراتى بويىنشا، كومپانيانىڭ قىزمەتى. 2021-جىلدان باستاپ توقتاتىلعان.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرىنە سايكەس، اتالعان كاسىپورىنعا ەرەكشە تاۋارلاردى وتكىزۋگە ليتسەنزيا، رۇقسات بەرىلمەگەن.
«ءبىز كومپانيانىڭ سانكتسيالار تىزىمىنە ەنگىزىلۋىن قازاقستاننىڭ رەزيدەنتى بولىپ تابىلمايتىن، ونىڭ يەسى اشوت مكرتىچيەۆتىڭ ا ق ش سانكسياسىندا بولۋىمەن بايلانىستىرامىز. كومپانيانىڭ سانكسيالار تىزىمىنە ەنگىزىلۋى تەحنيكالىق سيپاتتاعى ءجايت.
بۇل ادام 2020-جىلعى 7- ناۋرىزدا ق ر اۋماعىنان كەتىپ قالعان. ودان كەيىن ەلگە كىرمەگەن.
«Defence Engineering» - تەن باسقا، ونىڭ باسقا يۋريسديكسيالاردا تىركەلگەن ەكى كومپانياسى دا سانكسياعا ىلىككەن.
ءبىز باتىستاعى ارىپتەستەرىمىزبەن ۇنەمى بايلانىستامىز. بۇل كومپانيا بويىنشا ءتيىستى شارالار قابىلداناتىن بولادى»، - دەلىنگەن حابارلامادا.
