قۇرىلىس، تاكسي: شەتەلدىك ەڭبەك ميگرانتتارى نەمەن اينالىسادى
بۇل ساۋالعا قالالىق پولتسيا دەپارتامەنتى كوشى-قون قىزمەتى باسقارماسىنىڭ باسشىسى ەربول ماحمەتوۆ جاۋاپ بەردى، دەپ حابارلايدى قازاقپارات ءتىلشىسى.
«شەتەل ازاماتتارى قازاقستاندا كوشى-قون زاڭىنا ساي جۇرسە جانە جەرگىلىكتى اتقارۋشى ورگاندارىنان رۇقساتى بولسا كەز كەلگەن سالادا ەڭبەك ەتە الادى. ەڭ باستىسى زاڭ اياسىندا بولۋ كەرەك. زاڭبۇزۋشىلىق انىقتالعان جاعدايدا ماسەلەمەن ءبىز اينالىسامىز»، - دەدى ەربول ماحمەتوۆ پوليتسيا دەپارتامەنتىندە وتكەن باسپا ءسوز ءماسليحاتىندا.
سپيكەردىڭ مالىمەتىنشە، جىل سايىن كوشى-قون زاڭىن بۇزعان 900 دەن استام شەتەلدىك ەلدەن شىعارىلادى.
سونداي-اق باسقارما باسشىسىنىڭ ايتۋىنشا، شەتەلدىك ەڭبەك ميگرانتتارى نەگىزىنەن قۇرىلىس سالاسى، تاكسي سەكىلدى قوعامدىق جۇمىستارعا بارادى.
«مىسالى، تاكسي جۇرگىزۋشىسى شەتەل ازاماتى بولدى دەلىك، ەگەر كۇدىك بولعان جاعدايدا 102 گە حابارلاپ ايتۋعا بولادى. ءتارتىپ ساقشىلارى، ول ازاماتتى كوشى-قون بولىمىنە جەتكىزىپ، جۇمىس ىستەۋگە رۇقساتىن تەكسەرەدى. ولار وزىمەن بىرگە ەڭبەك ەتۋگە رۇقسات قۇجاتىن الىپ ءجۇرۋى ءتيىس. كەرى جاعدايدا زاڭ اياسىندا جاۋاپكەرشىلىككە تارتىلادى»، - دەيدى ول.
ايتا كەتەيىك، بيىل التى ايدا كوشى-قون زاڭىن بۇزعان 500 دەن استام شەتەلدىك ەلدەن شىعارىلدى.
