قازاقستاندىقتار ەندى اتى-ءجونىن، ۇلتىن ەلەكتروندىق پورتالدا وزدەرى وزگەرتە الادى

استانا. قازاقپارات - قازاقستاندىقتار تۋۋ تۋرالى كۋالىك، اتى-ءجونىن وزگەرتۋ، نەكەنى قيۋ جانە بۇزۋ، بالا اسىراپ الۋ جانە قايتىس بولعان ادام تۋرالى اكتىلىك جازبالارعا ۇكىمەتتىڭ ەلەكتروندىق پورتالىندا وزدەرى وزگەرىس ەنگىزە الادى، دەپ حابارلادى turkystan.kz.

«ۇ ا ت» ا ق قوعاممەن بايلانىس باسقارماسىنىڭ مالىمەتىنشە، جاڭا قىزمەت جەتكىلىكتى نەگىزدەر جانە مۇددەلى تۇلعالار اراسىندا داۋ بولماعان كەزدە عانا قۇجاتتارعا وزگەرىستەر ەنگىزۋدى كوزدەيدى. مىسالى، اتىن، تەگىن جانە اكەسىنىڭ اتىن وزگەرتۋ سەكىلدى وتىنىمدەر.

«ازاماتتىق حال اكتىلەرى جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ» جاڭا قىزمەتىنىڭ كومەگىمەن اكتىلىك جازبالارعا وزگەرىستەر ەنگىزۋ جانە قۇجاتتاردى قايتا شىعارۋ ءۇشىن نەگىزدەردى كورسەتىپ، راستايتىن قۇجاتتاردى تىركەۋ ارقىلى ءوتىنىم بەرۋگە بولادى»، - دەلىنگەن حابارلامادا.

قانداي جاعدايلاردا قۇجاتتارعا وزگەرتۋلەر ەنگىزۋگە بولادى:

. تەگىن، اتىن جانە اكەسىنىڭ اتىن وزگەرتۋ كەزىندە؛

. اكە بولۋدى انىقتاۋ تۋرالى سوت شەشىمىنىڭ كۇشى جويىلعان جاعدايدا؛

. نەكەدە تۇرماعان انانىڭ ءوتىنىشى بويىنشا بالانىڭ تۋۋى تۋرالى جازباعا بالانىڭ اكەسى تۋرالى مالىمەتتەردى ەنگىزۋگە؛

. ەگەر ازاماتتىق حال اكتىسىن تىركەۋ كەزىندە قاتەلەرگە (بۇرمالاۋلار، مالىمەتتەردىڭ نەمەسە جەكەلەگەن سوزدەردىڭ تۇسىنىگىنىڭ بولماۋى) جول بەرىلسە؛

. ازاماتتىق حال اكتىلەرىن جازۋداعى قاتەلىكتى سوت تالقىلاۋىندا انىقتاعان كەزدە؛

. نەكەنىڭ بۇزىلۋىنا نەمەسە نەكە جارامسىز دەپ تانىلۋىنا بايلانىستى جۇبايىنىڭ (زايىبىنىڭ) تەگىن وزگەرتۋ كەزىندە؛

. سوتتىڭ بالا اسىراپ الۋدىڭ (اسىراپ الۋدىڭ) كۇشىن جويۋ نەمەسە جارامسىز دەپ تانۋ، سونداي-اق نەكەنى جارامسىز دەپ تانۋ تۋرالى شەشىمىنە بايلانىستى؛

. ۇلتىن اۋىستىرعان كەزدە.