قازاقستان مەن قىتاي اراسىنداعى اۋىل شارۋاشىلىعى ونىمدەرىنىڭ اينالىمى ءۇش ەسە ارتتى

استانا. قازاقپارات – ق ر اۋىل شارۋاشىلىعى ءمينيسترى ەربول قاراشوكەيەۆ قىتايدىڭ شىنجىن قالاسىندا وتكەن بيزنەس- فورۋمعا قاتىستى، دەپ حابارلايدى ق ر ا ش م باسپا ءسوز قىزمەتى.

فورۋم الاڭى اگروازىق-تۇلىك جۇيەلەرىنىڭ ترانسفورماتسياسى جانە قالىپتاسقان ۇردىستەر اياسىندا وڭىردەگى ەلدەردىڭ اراسىنداعى ءوزارا تۇسىنىستىكتى جاقسارتۋعا ارنالعان. بيزنەس-فورۋمعا وتاندىق جانە قىتايلىق جەتەكشى كومپانيالاردىڭ وكىلدەرى قاتىستى.

ا ش م باسشىسىنىڭ ايتۋىنشا، قىتاي - اۋىل شارۋاشىلىعى ونىمدەرىنىڭ ءىرى ەكسپورتتاۋشىسى جانە وزىق اگرارلىق تەحنولوگيالارعا يە. بۇگىنگى تاڭدا وسى سالادا ەكىجاقتى ارىپتەستىكتى ارتتىرۋ ءۇشىن ەلەۋلى ىسكە اسىرىلماعان الەۋەت بار.

ەربول قاراشوكەيەۆ مەملەكەت باسشىسىنىڭ ق ح ر-عا ساپارى اياسىندا بيىلعى جىلدىڭ مامىر ايىندا بۇرشاق پەن جاسىمىق، كۇنباعىس تۇقىمى، سويا، ماقسارى مەن زىعىر تۇقىمى، سونداي-اق بالىق ونىمدەرى ەكسپورتى بويىنشا 3 حاتتاماعا قول قويىلعانىن ەسكە سالدى.

بۇل قازاقستاندىق مال جانە وسىمدىك شارۋاشىلىعى ونىمدەرىنىڭ ق ح ر-عا ەكسپورتىن ۇلعايتۋعا مۇمكىندىك بەرەدى.

ايتا كەتەيىك، قاڭتار- ماۋسىم ارالىعىندا قازاقستان مەن قىتاي اراسىنداعى اۋىل شارۋاشىلىعى ونىمدەرىنىڭ تاۋار اينالىمى %73 عا ارتىپ، 578,5 ميلليون دوللاردى قۇرادى.

مينيستر الەۋەتتى سەرىكتەستەرگە ەلدىڭ ينۆەستيتسيالىق تارتىمدىلىعى تۋرالى مالىمەت بەردى. جىل سايىن ا ءو ك-تى وتەۋسىز نەگىزدە سۋبسيديالاۋعا رەسپۋبليكالىق بيۋدجەتتەن اۋىل شارۋاشىلىعى تاۋارىن وندىرۋشىلەردى قولداۋعا رەسۋرستار بولىنەدى.

سونىمەن قاتار، قارجىلىق قولداۋ شارالارىنان بولەك، ينۆەستورلار ءۇشىن ءارتۇرلى سالالىق جەڭىلدىكتەر مەن پرەفەرەنتسيالار قاراستىرىلعان. ماسەلەن، ينۆەستيتسيالىق كەلىسىمشارت، ونىڭ شەڭبەرىندە ينۆەستيسيالىق جوبالار ءبىرقاتار سالىقتان بوساتىلادى. ستراتەگيالىق ينۆەستورلار سالىقتىڭ نەگىزگى تۇرلەرى، سونىڭ ىشىندە مۇلىك سالىعى، جەر سالىعى، سونداي-اق قوسىلعان قۇن سالىعى بويىنشا ەرەكشە جەڭىلدىكتى شارتتاردعا يە بولا الادى.

ىنتىماقتاستىق پەرسپەكتيۆالارى تۋرالى ايتا كەلە، ەربول قاراشوكەيەۆ قازاقستاندىق تاراپتىڭ اۋىل شارۋاشىلىعى ونىمدەرىن قايتا وڭدەۋ سالاسىنداعى جوبالاردى دامىتۋعا قىزىعۋشىلىعىن اتاپ ءوتىپ، قىتايلىق كومپانيالاردى ا ءو ك سالاسىنداعى بىرلەسكەن كاسىپورىنداردى ىسكە اسىرۋعا شاقىردى.

قىتاي ينۆەستورلارىنىڭ قاتىسۋىمەن قازاقستان اۋماعىندا س ق و-دا راپس مايىن ءوندىرۋ، تۇركىستاندا تۇيە جانە بيەنىڭ قۇرعاق ءسۇتىن وڭدەۋ جانە ءوندىرۋ سياقتى ماڭىزدى جوبالار ءساتتى جۇزەگە اسىرىلدى. قازىرگى ۋاقىتتا اۋىل شارۋاشىلىعى مينيسترلىگىنىڭ پۋلىندا 225 ميلليون دوللار تۇراتىن تاعى 6 ينۆەستيتسيالىق جوبا بار.

سونداي-اق، ق ح ر- عا ساپارى اياسىندا ق ر اۋىل شارۋاشىلىعى مينيسترلىگى مەن قىتايدىڭ ءتورت ءىرى قاۋىمداستىعى ا ءو ك-تە جان-جاقتى ىنتىماقتاستىق تۋرالى كەلىستى. ءتيىستى مەموراندۋمعا اۋىل شارۋاشىلىعى تەحنيكاسى اينالىمى جونىندەگى قىتاي قاۋىمداستىعى، پەستيتسيدتەر ونەركاسىبى قاۋىمداستىعى، ارالاس فوسفورلى تىڭايتقىشتار ونەركاسىبى قاۋىمداستىعى، تۇقىم ساۋداسى قاۋىمداستىعىنىڭ وكىلدەرى مەن ق ر ا ش م باسشىسى قول قويدى. تاراپتار اۋىل شارۋاشىلىعى ىنتىماقتاستىعى ماسەلەلەرى جونىندەگى بىرلەسكەن تۇراقتى ورگان تەتىگىن قۇرۋعا نيەتتى.

اتاپ ايتقاندا، «اقىلدى» اۋىل شارۋاشىلىعىنىڭ كەشەندى شەشىمدەرىنىڭ جەرگىلىكتى دەمونستراتسيالىق بازاسىن قۇرۋ ۇسىنىلىپ وتىر. قىتاي تاراپى قازاقستاندا جەرگىلىكتى جاعدايلارعا بەيىمدەلگەن زياتكەرلىك تەحنولوگيالاردى، ونىڭ ىشىندە اۋىل شارۋاشىلىعى تەحنيكاسى، پەستيسيدتەر، تىڭايتقىشتار، تۇقىم جانە سۋ ۇنەمدەۋ جۇيەلەرىن قامتيتىن زاماناۋي تەحنولوگيالاردى قولدانۋعا جاردەمدەسەتىن بولادى.

بۇدان باسقا، كەلىسىم شەڭبەرىندە شولەيتتەنگەن جانە تۇزدى-سورتاڭدى جەرلەردى باسقارۋ جانە يگەرۋ، سۋ ۇنەمدەيتىن سۋارۋدى ەنگىزۋ سياقتى ا ءو ك دامۋىن تەجەيتىن ماسەلەلەردى بىرلەسىپ شەشۋ ءۇشىن سيفرلىق اۋىل شارۋاشىلىعىنىڭ جەرگىلىكتى زەرتتەۋ بازاسىن قۇرۋ كوزدەلىپ وتىر. سونداي-اق، تاراپتار جانۋارلاردىڭ زيانكەستەرىمەن جانە اۋرۋلارىمەن بىرلەسىپ كۇرەسەتىن بولادى.