ەلوردادا ەرەسەكتەر مەن جاسوسپىرىمدەر توبەلەس شىعاردى

استانا. قازاقپارات - ەلوردادا جاسوسپىرىمدەر ەلدىڭ مازاسىن العان. ىسكە ەرەسەكتەر ارالاسقان، ءبىراق ونىڭ ارتى داۋعا اينالعان، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«2023 -جىلعى 15-تامىزدا «102» ارناسىنا تۇرعىن ءۇي اۋلاسىندا توبەلەس بولىپ جاتقانى تۋرالى اقپارات كەلىپ ءتۇستى. پوليتسيا قىزمەتكەرلەرى تۇرعىنداردىڭ اۋلادا قاتتى شۋ شىعارعان جاسوسپىرىمدەرگە ەسكەرتۋ جاساعانىن انىقتادى. انىقتالعانداي، شۋدىڭ ارتى جانجالعا اينالعان. بارلىق قاتىسۋشى پوليتسيا بولىمىنە جەتكىزىلدى»، - دەلىنگەن ەلوردا پوليتسياسىنىڭ رەسمي اقپاراتىندا.

قالالىق پوليتسيا ۇسىنعان رەسمي دەرەككە سايكەس، اكىمشىلىك ءىس جۇرگىزۋ شەڭبەرىندە تەكسەرۋ ءجۇرىپ جاتىر.

«ونىڭ ناتيجەسى بويىنشا ايىپتىلارعا قاتىستى ءتيىستى شارالار قابىلدانادى»، - دەيدى دەپارتامەنتتەن.