جانىبەك ءالىمحان ۇلى جەكپە-جەككە دايىندىقتى باستادى

استانا. قازاقپارات - ورتا سالماقتا WBO چەمپيونى جانىبەك ءالىمحان ۇلى (14-0، 9 ك و) كەلەسى جەكپە-جەگىنە دايىندىقتى باستادى، - دەپ حابارلايدى Vesti.kz.

بوكسشىنىڭ كومانداسى الەۋمەتتىك جەلىدە ۆيدەو جاريالاپ: «باستادىق» دەپ جازىپتى.

مۇنىڭ الدىندا جانىبەكتىڭ ءوزى كەلەسى ايقاسىنىڭ قازان ايىنا جوسپارلانعانىن حابارلاعان. الايدا ول جەكپە-جەكتىڭ وتەتىن ورنىن دا، قارسىلاس كىم بولاتىنىن دا ناقتىلامادى.

دەرەككوز اقپاراتى بويىنشا، ءالىمحان ۇلىنىڭ كەلەسى قارسىلاسى ورتا ديۆيزيوندا IBF چەمپيونى، گەرمانيالىق ۆينچەنتسو گۋالتەري (21-0-1، 7 ك و) نەمەسە WBO رەيتينگىندە ءتورتىنشى تۇرعان بريتانيالىق فەليكس كەش (16-0، 10 ك و) بولادى.

كەيىنگى جەكپە-جەگىن جانىبەك مامىر ايىندا ا ق ش- تىڭ ستوكتون قالاسىندا وتكىزىپ، كانادالىق ستيۆەن باتلەردى (32-4-1، 26 ك و) ەكىنشى راۋندتا نوكاۋتقا تۇسىرگەن بولاتىن.