نەيمار ساۋد ارابياسىندا ءبىر سەكۋندتا قانشا اقشا تابادى

استانا. قازاقپارات - برازيليالىق شابۋىلشى نەيماردىڭ ساۋد ارابياسىنىڭ «ال-حيليال» كومانداسىنداعى جالاقىسى بەلگىلى بولدى، دەپ حابارلايدى قازاقپارات Sports.kz-كە سىلتەمە جاساپ.

31 جاستاعى برازيليالىق جاڭا كلۋبتا ەكى جىلدا 300 ميلليون ەۋرو تابادى، الايدا بۇل سوما بارلىق بونۋستار مەن كوممەرتسيالىق مامىلەلەردى قوسقاندا 400 ميلليونعا دەيىن ءوسۋى مۇمكىن.

Sports.kz ەسەپتەۋىنشە، نەيماردىڭ جالاقىسى ءبىر جىلدا 200 ميلليون ەۋرونى قۇراسا، وندا ول ايىنا 16,67 ميلليون ەۋرو، اپتاسىنا - 4,17 ميلليون ەۋرو، كۇنىنە - 595,2 مىڭ ەۋرو، ساعاتىنا - 24,8 مىڭ ەۋرو، مينۋتىنا - 413 ەۋرو، سەكۋندىنا - 6,9 ەۋرو تابادى.

ەسكە سالايىق، نەيماردىڭ سوڭعى كلۋبى فرانسۋزدىق «پ س ج» بولدى. وتكەن ماۋسىمدا برازيليالىق 29 ماتچ وينادى، وندا ول 18 رەت گول سوقتى.