22:29, 16 - تامىز 2023 | GMT +6
ءانشى ءمولدىر اۋەلبەكوۆا ءۇشىنشى رەت تۇرمىسقا شىعاتىنىن ايتتى
استانا. قازاقپارات - ءانشى ءمولدىر اۋەلبەكوۆا ءۇشىنشى رەت تۇرمىس قۇرۋعا نيەتتى، - دەپ حابارلايدى Massaget.kz ءتىلشىسى.
ونەر يەسى الەۋمەتتىك جەلىدە وقىرمان ساۋالدارىنا جاۋاپ بەرىپ، ساۋكەلە كيىپ ۇزاتىلاتىنىن جەتكىزدى.
«تۇرمىسقا شىعامىن. اۋەلى جاقسى ادامىم جولىقسىن. سوسىن ساۋكەلەمدى كيىپ، ۇزاتىلامىن، بۇيىرسا»، - دەپ ءانشى وقىرماندارى قويعان سۇراققا جاۋاپ بەردى.
ايتا كەتەيىك، ءانشى 2015-جىلى ارىستان اتتى كاسىپكەرگە تۇرمىسقا شىققان. ءبىراق ەكى جاس ءبىر جارىم جىلدان سوڭ اجىراسقان. 2020-جىلى ول ەكىنشى رەت تۇرمىسقا شىقتى. بۇل قۋانىشتى جاڭالىقتى ونەر يەسى جەكە پاراقشاسىندا حابارلاعان ەدى. الايدا ەكىنشى كۇيەۋىنىڭ دە وتباسىنا قيانات جاساعانىن ايتىپ، 2021-جىلى اجىراسىپ كەتكەنىن جاريا ەتتى. سول جىلدىڭ ماۋسىم ايىندا قىز بالانى دۇنيەگە اكەلدى. بۇگىندە ءانشى ءبىر ۇل، ءبىر قىز تاربيەلەپ وتىر.
