ۆيتسە- پرەمەر وقۋ ماتەريالدارىن ەلەكتروندى فورماتقا كوشىرۋ جونىندە ءبىرقاتار تاپسىرما بەردى
بۇل تۋرالى قازاقپارات ق ر ۇكىمەتىنىڭ رەسمي سايتىنا سىلتەمە جاساپ حابارلايدى.
جيىنعا وقۋ-اعارتۋ، سيفرلىق دامۋ، يننوۆاتسيالار جانە اەروعارىش ونەركاسىبى، ادىلەت ۆيتسە-مينيسترلەرى، سونداي-اق «نازاربايەۆ زياتكەرلىك مەكتەپتەرى» د ب ب ۇ، ى. التىنسارين اتىنداعى ۇلتتىق ءبىلىم اكادەمياسىنىڭ، «تالداۋ» ا ق- نىڭ، مەكتەپ وقۋلىقتارىن دايىندايتىن جەتەكشى باسپالاردىڭ جانە IT- كومپانيالاردىڭ وكىلدەرى قاتىستى.
وقۋ-اعارتۋ ۆيتسە-ءمينيسترى ا. ءىلياسوۆ مەكتەپتەردى ەلەكتروندىق وقۋلىقتارمەن قامتاماسىز ەتۋ جونىندەگى احۋال جانە وسى باعىتتى ودان ءارى دامىتۋ بويىنشا جوسپارلانعان شارالار تۋرالى باياندادى. باسپالار مەن IT- كومپانيالاردىڭ وكىلدەرى ەلەكتروندىق وقۋلىقتار مەن ءبىلىم بەرۋ پلاتفورمالارى سالاسىنداعى سوڭعى ازىرلەمەلەرىن ۇسىندى.
كەڭەسكە قاتىسۋشىلار ەلەكتروندىق رەسۋرستاردىڭ الەۋەتىن جانە ولاردى ءبىلىم بەرۋ پروتسەسىن جەتىلدىرۋ ءۇشىن پايدالانۋ مۇمكىندىكتەرىن تالقىلادى. بۇل رەتتە پەداگوگتارعا ەلەكتروندىق رەسۋرستاردى تاڭداۋ قۇقىعى بەرىلۋگە ءتيىس ەكەنى ايتىلدى.
كەڭەستى قورىتىندىلاي كەلە، پرەمەر-ءمينيستردىڭ ورىنباسارى - ەڭبەك جانە الەۋمەتتىك قورعاۋ ءمينيسترى مەكتەپتەردى ەلەكتروندىق وقۋلىقتارمەن جانە سيفرلىق ءبىلىم بەرۋ رەسۋرستارىمەن قامتاماسىز ەتۋ تەتىكتەرىن ازىرلەۋ، وقۋ ماتەريالدارىن سيفرلىق فورماتقا كوشىرۋ جانە ولاردى وقۋ پروتسەسىندە قولدانۋ جونىندە ءبىرقاتار تاپسىرما بەردى.
